Errusiaren inbasioaren ondorioz, 10.000 eta 13.000 militar ukrainar artean hil dira
Mykhailo Podolyak Ukrainako Presidentetzaren aholkulariaren arabera, "10.000 eta 13.000 artean" dira Errusiaren inbasioaren ondorioz hildako militar ukrainarrak, Ursula von der Leyen Europako Batzordeko presidenteak kopuru hori 100.000 inguruan kokatu ostean. Von der Leyenen emandako zifrak okerrak direla ziurtatu du, eta azpimarratu du "zauritutako pertsonen ondorioz baja gehiago" daudela armadan, zifra ofizialik egon ez arren.
Era berean, Podolyakek gaineratu du hildako zibilen kopurua Europako Batzordeko presidenteak aipatutakoa baino askoz ere handiagoa dela: izan ere, 20.000 direla adierazi dute.
Bestalde, Ukrainako Armadaren Estatu Nagusiak ostiral honetan bertan adierazi duenez, 90.000 militar errusiar baino gehiago hil dira inbasioa hasi zenetik; 650, azken orduetan.
Bien bitartean, ostegunean, Biden Putinekin hitz egiteko prest agertu zen inbasioa bertan behera uzteko eztabaidatzeko asmoz, alabaina, ezer baino lehen Moskuk zenbait neurri hartu behar dituela irizten du; hala nola tropak Ukrainako lurraldetik erretiratzea. Errusiak, bere aldetik, uko egin dio Joe Biden AEBko presidentearekin negoziatzeari, elkarrizketa bere tropak Ukrainatik erretiratzera bideratuko duela argudiatuz. Hala baieztatu zuen atzo Dimitri Peskov Kremlineko bozeramaileak.
Albiste gehiago mundua
Putinekin eta Zelenskirekin "oso laster" biltzeko "aukera asko" daudela esan du Trumpek
Nolanahi ere, AEBko presidenteak baztertu egin du azken bileran "aurrerapauso erabakigarriak" eman izana edo Errusiak amore eman izana.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.