Putinek 36 orduko su-etena agindu du, ortodoxoen Eguberria dela eta
Vladimir Putin Errusiako presidenteak 36 orduko su-etena agindu du gaur, Moskuko 12:00etatik aurrera (09:00 GMT), Ukrainako frontearen lerro osoan zehar, Kremlinek jakitera eman duenez.
Errusiako Presidentetzaren oharraren arabera, estatuburuaren erabakia Errusiako Eliza ortodoxoaren patriarkak, Kirilek, Gabonetako su-eten bat ezartzeko egindako deiari erantzuna da, fededun ortodoxoek urtarrilaren 7an ospatzen baitute.
"Ekintza militarren eremuan herritar ortodoxo ugari bizi denez, Ukrainako aldeari su-eten erregimen bat ezartzeko dei egiten diogu, Eguberri bezperan eta Eguberri egunean tenpluetara joaten uzteko", dio ohar ofizialak.
Ordu batzuk lehenago, Kirilek su-eten bat eskatu du fededunek Gabonak ospatu ahal izateko.
Lehen aldia da Errusiako presidenteak su-etena ezartzen duela fronte guztietan, joan den otsailaren 24an Ukrainan kanpaina militarra abiatu zuenetik, aldameneko herrialdea "desnazifikatzeko eta desmilitarizatzeko" helburuarekin.
Kirilen deiak eta su-etenak ez dute harrera ona izan Kieven: "Gabonetako su-eten baten inguruan IORak egindako adierazpena tranpa zinikoa eta propaganda da", idatzi du Mijailo Podolyak Ukrainako Presidentetzaren aholkulariak Twitterren.
Geroago gehitu du "Ukrainak ez du atzerriko lurralderik eraso eta ez ditu zibilak hil. Errusiak egiten duen bezala ". "Errusiako Federazioak lurralde okupatuak utzi behar ditu; orduan bakarrik izango du aldi baterako su-etena. Gorde hipokresia zuretzat ", esan dio Putini.
Era berean, Annalena Baerbock Alemaniako Atzerri ministroak erantzun du Kremlinek bakea nahiko balu, Ukrainatik tropak erretiratuko lituzkeela. Horrekin, "gerra amaitu egingo zen", idatzi du ministro berdeak Twitterren.
Aitzitik, argi dago Errusiako presidenteak gerrarekin jarraitzeko asmoa duela, "etenaldi labur baten ostean", adierazi du.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.