Boluarte ikertuko du Peruko Fiskaltzak genozidioagatik
Dina Boluarte Peruko presidentea ikertuko du herrialde horretako Fiskaltzak, besteak beste, genozidio delituagatik. Joan den abenduan izandako istiluengatik aurretiazko ikerketa zabaldua zuela jakinarazi du Patricia Benavides fiskalak, eta orain, astelehen honetan izandakoengatik beste ikerketa bide bat zabalduko dute. 17 pertsona hil ziren asteleheneko protestetan.
Benavidesek esan duenez, "heriotza bakar bat ere ez da geratuko zigor gabe" eta Perun gertatzen ari dena sakon ikertuko dute, baita, horien atzean egon litezken "goi arduradunek duten erantzukizuna ere". "2022ko abenduan eta 2023ko urtarrilean Apurimac, Libertad, Puno, Junin, Arequipa eta Ayacucho eskualdetan izandako manifestazioetan genozidio, homizidio eta lesio larrien delituak egon ziren ikertuko dugu", gaineratu du.
Era berean, Fiskaltzak igoritako ohar batean zehaztu dute Baluarterekin batera, beste hainbat goi arduradun ere ikertuko dituztela, tartean, Alberto Otarola lehen ministroa, Victor Rojas Barne ministroa, Jorge Chavez Defentsa ministroa, Pedro Angulo lehen ministro ohia eta Cesar Cervantes Barne ministro izandakoa.
Abenduaren 7an lehertu zen egoera Perun. Egun horretan hango Kongresua Pedro Castillo presidentearen aurkako zentsura mozio bat bozkatzekoa zen, baina, aurretik, Ganbera desegin zuen Castillok. Azkenean, Kongresuak Castillo kargugabetzearen alde bozkatu zuen, eta, Fiskaltzaren aginduz, atxilotu egin zuten. Ordutik, mobilizazioek ez dute etenik. Presidente berriaren, Dina Boluarteren, dimisioa eskatzen dute protestariek, eta hauteskundeak berehala deitzea.
Zure interesekoa izan daiteke
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak jakitera eman duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean jarraitzen dute. Garraio publikoa eten egin da eta semaforoak ez dira martxan egon hainbat gunetan. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
AEBk beste petrolio-ontzi bat "lapurtu" diola salatu du Venezuelak
Gobernu chavistak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.