Hauteskundeak aurreratzea helburu, Konstituzioa erreformatuko duela iragarri du Boluartek
Hauteskundeak aurten egiteko asmoz, Dina Boluarte Peruko presidenteak bi konstituzio erreforma egingo dituela iragarri du. Kongresuak gaur bozkatuko du bozak aurreratu ala ez, eta baietzak bozketa galduko duelakoan, presioa egin nahi izan du Boluartek.
Nazioari zuzendutako agerraldi batean azaldu duenez, proposamenetako bat hauteskundeak urrian egitea da, zehazki, hilaren 15ean. Bigarren itzulia abenduan izango litzateke.
Beste lege proposamena 1993ko Konstituzioa aldatzea da. Behin Kongresuak onartuta, herritarrek bozkatu beharko lukete erreferendumean.
Peruko presidenteak gogor kritikatu du ganberak hauteskundeak aurreratzearen kontra bozkatu izana.
Bien bitartean, Peruko Herritarren Defentsarako Bulegoak estu hartu ditu gobernua bera eta Kongresua, bi erakundeek egoera "baretzeko eta aldatzeko" ardura duten aldetik. "Protestetan jendea hiltzea ez da 'ondorio sozial' bat, ezta 'albo ondorio' bat ere", kritikatu du.
Krisi politiko eta instituzional larrian dago Peru abendu hasieratik. Pedro Castillok Parlamentua desegin eta salbuespen gobernua ezarri eta gutxira, hura kargugabetu zuten, eta Dina Boluarte presidente berriak ez du egoera baretzen asmatu.
Castillo kartzelatu zutenetik, dozenaka mila lagun kalera atera dira eta Polizia gogor oldartu zaie. Bi hilabeteotan 60 pertsona inguru hil dira mobilizazioetan.
Albiste gehiago mundua
Palestinako Estatuaren aitortza erdigunean dela abiatuko da NBEren 80. Batzar Nagusian
Erresuma Batuak, Kanadak, Australiak, Portugalek eta Frantziak aitortu dute ofizialki Palestinako Estatua, goi-bileraren bezperan. Horren aurrean, Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
"Ondorio juridikoak baino, garrantzi politikoa du nazioarteak Palestina aitortzeak"
Victor Amado EHUko Historia Garaikideko irakasleak uste du onarpenarekin Palestinak nazioarteko zilegitasuna irabaziko duela, Netanyahuren erregimen gero eta isolatuagoaren aurrean.
NBEk gerra eta gizateriaren aurkako krimenak leporatu dizkio Errusiari, Ukrainan egindako gehiegikeriengatik
Ikertzaileek Ukrainako zibilen aurkako eraso indiskriminatuak salatu dituzte.
EBko Zibersegurtasun Agentziak "hirugarrenen zibereraso" bati egotzi dizkio zenbait aireportutan asteburuan izandako gorabeherak
Egoera horren ondorioz, aireportuek eskuz izapidetu behar izan zituzten fakturazioak eta ontziratzeak, boligrafo eta papelez. Ondorioz, hegaldi asko atzeratu eta bertan behera utzi behar izan zituzten lehen orduetan, nahiz eta gorabeherak asteburu osoan zehar izan.
Frantziak eta Erresuma Batuak Palestina estatu gisa aitortzeagatik errepresaliarik ez hartzeko eskatu diote Israeli
Alemaniak oraingoz ez du Palestina estatu gisa aitortzeko asmorik. Are gehiago, bide horretan pausorik eman aurretik balizko bake negoziazioek zer ematen duten itxarotea defendatu du.
Frantziako hainbat udalek entzungor egin diote Barne ministroari eta Palestinako banderak zabaldu dituzte
Bruno Retailleau Barne ministro kontserbadoreak Alderdi Sozialistaren ekimenaren kontrako jarrera agertu du, "neutraltasunaren kontrako ekintza" dela argudiatuz. Hori dela eta, zuzentarau bat jarri du martxan, Justiziak udal horien aurka egin dezala eskatzeko.
Zer da Palestinako Estatua onartzea?
Palestinako Estatuaren onarpena nazioarteko eztabaidaren erdigunera itzuli da, Erresuma Batuak, Kanadak eta Australiak pausoa eman berri duten honetan. Baina... Zer dakar herrialde batek Palestinako Estatua onartzeak? Hona hemen gakoak.
Zein da Libanoren egoera Israelen erasoaldia eta urtebetera?
Herrialdeak Israelen erasopean jarraitzen du, eta berreraikuntzarako dirurik gabe, duela urtebete Israelen aldetik jasan zuen aire-kanpainaren ondoren.
Zein herrialdek onartzen dute Palestina estatu independente gisa?
Zerrenda 150 herrialdek baino gehiagok osatzen dute. Gainera, orain mendebaldeko potentzia ekonomiko handiak batu dira, tartean Kanada, Erresuma Batua eta Frantzia.
Frantziak Palestinako Estatua aitortuko du gaur
Frantziaren, Erresuma Batuaren eta Kanadaren aitortzarekin, Palestinako Estatuak mendebaldeko potentzia ekonomiko handienetako batzuen babesa lortu du.