Fiskalak bideratu egin du nahi gabeko hilketa akusazioa Alec Baldwinen kontra
Alec Baldwin aktorearen kontrako nahi gabeko hilketa akusazioa formalizatu egin du gaur Mexiko Berriko (AEB) Mary Carmack-Altwies fiskalak. "Rust" pelikularen grabazioan, Halyna Hutchins 42 urteko argazki zuzendaria hil zen, 2021eko urrian, Baldwinek atrezzoko pistola batekin tiro egin ostean.
Orain bi aste aurreratu zuen Carmack-Altwiesek Baldwini hainbat kargu leporatzeko asmoa zuela, tartean, nahi gabeko hilketarena. Halaber, filmaketako segurtasun arduradunari ere, Hannah Gutierrez-Reedi, egotzi dio delitu hori fiskalak.
Atzo kaleratutako akusazio idatzian, grabazioan egon ziren "segurtasun akatsak" nabarmendu ditu, eta era berean, Baldwinek bazuela protokoloaren berri zehaztu du fiskalak, "gutxienez 40 filmetan parte hartutako aktorea" delako.
Segurtasun arduradunari buruz, berriz, hura filmaketan egotea ezinbesteko baldintza zela ondorioztatu du Carmack-Altwiesek, "erabiliko zen arma segurua zela ziurtatzeko".
Horrez gain, suzko armak erabili aurretik, aktoreak "gutxieneko formazio saio" bat jaso behar zuela ere zehaztu da idatzian. "Ez zuen bete baldintza hori. Familiarekin telefonoz hitz egiten egon zen denbora ia guztian".
Mexiko Berriko agintariek 140.000 dolar inguruko isunarekin zigortu zuten "Rust" filmaren ekoizleak, tartean Baldwin bera, segurtasun protokoloak urratzeagatik.
Fiskalak ia 15 hilabete behar izan ditu aktorearen aurkako akusaziok aurkezteko. Biktimaren familiak aktorea salatu zuen zuhurtziagabeko hilketa egotzita.
Orain, baliteke, zigor arloko ahozko epaiketa bati aurre egin behar izatea Baldwinek eta Gutierrez-Reedik. Gehienez bost urteko espetxe zigorra jaso dezakete.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.