Nikaraguak 222 preso politiko espetxetik atera eta kanporatu ditu, tartean apaizak
Nikaraguako agintariek 222 preso politiko askatu eta AEBetara kanporatu dituzte, guztiak kargu publikoetarako edo herritarrek hautatuak izateko eskubidea bizi osorako kendutakoak.
222 preso nikaraguarrak, tartean presidentetzarako hautagai izandako zazpi, "aberriari traizioa egiteagatik" kanporatu dituzte AEBetara, Managuako Apelazio Auzitegiaren ebazpenean agertzen denez.
"Herriaren independentzia, subiranotasuna eta autodeterminazioari kalte egiten dieten ekintzak egiteagatik, eta indarkeriarako, terrorismorako eta ezegonkortasun ekonomikorako deia egiteagatik epaitutako 222 pertsona berehala deportatzeko agindua eman dugu", adierazi du magistratuak Managuan irakurritako ebazpenean.
Gobernu sandinistak kanporatutako preso politiko horien artean dago Cristiana Chamorro, 2021eko azaroko hauteskundeetan Daniel Ortega presidentearen aurkari gogorrena izan behar zena.
Chamorroz gain, hauteskundeetan Ortegak izan zituen aurkari guztiak ere deportatu dituzte: Arturo Cruz, Felix Maradiaga, Juan Sebastian Chamorro, Miguel Mora, Medardo Mairena eta Noel Vidaurre.
"Aberriari traizioa" egiteagatik 10 urteko kartzela-zigorra jaso zuten bost abade katoliko ere bidali dituzte AEBetara.
Juan Lorenzo Holmann Chamorro La Prensa egunkariaren gerentea, Lesther Aleman eta Max Jerez ikasleen ordezkariak, eta Dora Maria Tellez gerrillari disidente historikoa ere 222 horietako batzuk dira.
Amerikako Estatuen Erakundeak presoen eskubideak berrezartzeko eskatu zion Ortegaren Gobernuari, eta Europar Batasuna gustura agertu da preso politikoak behintzat aske daudelako, nahiz eta aitortu ez dela nahikoa eta elkarrizketari ekin beharko liokeela.
Nikaraguan krisi politiko eta sozial gogorra bizi dute 2018ko apiriletik, eta larritu egin zen egoera 2021eko azaroaren 7ko hauteskundeen ostean, Ortegak bosgarren agintaldia lortu zuenean, bere aurkarik preso edo erbestean zeudelako.
Albiste gehiago mundua
NATOk "Espainiarekin arazo bat" duela esan du Trumpek Hagako goi-bilera hasi baino lehen
Horrela, agintari estatubatuarrak Espainiaren gastu maila kritikatu du. Gainera, Trumpek NATOren 5. artikulua esplizituki babestea saihestu du, kideen elkarrekiko defentsa klausula, hain zuzen ere.
Iranek su-etena berretsi eta ukatu egin du su-etenaren ostean Israelen aurka misilak jaurti izana
AEBko presidenteak su-etena iragarri du Truth sare sozialean. Israelek berehala onartu eta salatu du Iranek misilak jaurti dituela bere instalazioen kontra, baina Iranek ukatu egin du.
Albiste izango dira: su-etena Israel eta Iran artean, Gobernu Kontseiluaren urteurrena eta abisu horia beroagatik
Gaurkoan albiste izango direnen laburpena, bi hitzetan.
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
Iranek iragarri du Estatu Batuek Qatarren dituzten basearen aurka eraso egingo duela
Ez du eman erasoaren inguruko xehetasunik, baina Qatarreko hiriburuan leherketak entzun dira. Al-Udeid aire-basea 1996an eraiki zen, eta Estatu Batuetako Aginte Zentralaren kuartela da. Ipar Amerikako herrialdeak eskualdean duen base handiena da, 10.000 soldadu inguru biltzen baitira bertan.
Rubin behatokiak "gaueko zeruari buruz inoiz egin den filmik konpletoena" izango denaren lehen irudiak argitaratu ditu
Irudi hauek "time-lapse" baten hasiera dira, eta hamarkada batez zeru australa kartografiatu ondoren osatuko da. Bideoak hainbat gai eta galderari sakontasunez begiratu eta erantzutea ahalbidetuko du, esaterako: energiaren eta materia ilunaren ezaugarriak, Esne Bidearen eraketa, eguzki-sistemako gorputz txikien propietateak eta arriskutsuak izan daitezkeen asteroideen ibilbideak.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.