Putinek Errusiaren egoerari buruzko lehen mezua emango du gaur, Ukrainako gerra hasi zenetik
Vladimir Putin Errusiako presidenteak Estatuaren egoerari buruzko hitzaldia emango du gaur, asteartea, lehena duela ia urtebete -otsailaren 24an- Ukrainako kanpaina militarra hasi zenetik.
Hitzaldia eguerdian egingo du, ordubete inguru iraungo du, eta Joe Biden AEBko presidenteak astelehenean Ukrainara egindako bisita historikoak markatuko du, zalantzarik gabe.
Iazko urte amaieran bertan behera utzi zuen urteroko prentsaurrekoa, eta 2021eko apiriletik ez du agerraldirik egin Errusiako Parlamentuko bi ganberetan.
Putinek bere iritzia emango du kanpaina militarraren martxaz, nazioarteko egoera larriaz, Gobernuaren kudeaketaren emaitzez eta etorkizuneko egitasmoez.
Oraingoz sekretismo handia dago bertan emango duen mezuaren inguruan, baina, gai ekonomikoak eta gizarte politikak alde batera utzita, Ukrainako lau eskualde (Donetsk, Luhansk, Kherson eta Zaporizhia) anexionatzeko operazioa izango du ardatz.
Biden astelehenean Kievera eta asteartean Varsoviara joan izana aipatzea ere espero da. Izan ere, Kremlinen esanetan, Ukrainan NATOrekin ere borrokatzen ari da.
Liskarrak hasi eta urtebetera, Putinek ezin dio Batzar Federalari garaipen handirik aurkeztu, borroken lehen hilabeteetan lortutakoez gain.
2022ko uztailetik, Errusiako Armadak Lisitxansk gotorlekua hartu zuenetik, Moskuko tropek ez dute Ukrainako herri garrantzitsurik konkistatu. Errusiako aditu eta blogarien artean ezkortasuna nagusi da.
Putinek hainbat aldiz aldatu ditu Ukrainan borrokan ari diren indarren komandanteak, harik eta urte hasieran Valeri Gerasimov Estatu Nagusiko buru kritikatua jarri zuen arte. Harrezkero, gauzak ez dira hobetu.
Kremlinen helburua anexionatutako lau eskualdeen kontrola lortzea da, baina bere helburua lortzetik oso urrun dago, Donetsken eta Khersonen bereziki, azaroan Armada hegoaldeko eskualde horren iparraldeko herenetik erretiratu beharra izan baitzuen.
Wagner konpainiaren mertzenarioak dira Bajmuteko frontean arrakasta nabarmenen bat lortu duten bakarrak, nahiz eta Ukrainako defendatzaileek erasoa hasi eta sei hilabetera eusten jarraitzen duten.
Errusiaren erasoaldi orokorra ez da iritsi, eta Mendebaldeak Ukrainiari agindutako tankeak Kievera heltzekotan dira.
Albiste gehiago mundua
60.000 eta 100.000 pertsona artean manifestatu dira Berlinen, Gazako genozidioaren amaiera eskatzeko
Bestalde, Israelek jakitera eman duenez, 750.000 pertsona atera dira Gaza Hiritik erasoaldia hasi zenetik, eta 50 hilketa zenbatu dituzte dagoeneko, tartean haurrak, bi mediku eta kazetari bat.
Alemaniak iragarri du droneak botatzeko lege bat onartuko duela
Berlinek iragarri du lege bat onartuko duela bere armadak droneak bota ahal izateko. Europako agintariak alerta gorenean daude droneen presentziagatik Europako aire-espazioan. Hainbat izan dira Danimarkan, eta aire-zirkulazioa geldiarazi ere egin dute, eta Alemanian droneen begiztatzeak ikertzen ari dira.
Espainian dabilen Israelgo Armadako sarjentu bat salatu dute Auzitegi Nazionalean, Gazan gerra krimenak egitea leporatuta
Salaketa Espainian bizi den kazetari palestinar batek jarri du, sarjentua asteburuan Madrilera futbol partida bat ikustera joan dela egiaztatu ondoren. Sarjentuak Gazako Zerrendan egindakoak erakutsi izan ditu bere sare sozialetan, baita une honetan Madrilen zegoela ere.
Portlanden protestei aurre egiteko tropak hedatu eta indarra erabiliko dutela iragarri du Trumpek
Horrela, Portland hiria eta Immigrazio eta Aduanen Kontrolerako Zerbitzuaren (ICE) atxiloketa-zentroa "babestu" nahi ditu AEBko presidenteak.
AEBk bisa kenduko dio Petrori, soldadu estatubatuarrei Trumpi desobeditzeko eskatu dielako
Kolonbiako presidenteak esan du erabakiak NBEren "immunitate arau guztiak" hausten dituela, eta egoitza New Yorken egotea ere kritikatu du.
Elon Musken eta Jeffrey Epstein pederastaren arteko harremana frogatzen duten dokumentuak kaleratu dituzte
Kongresista demokratek argitaratutako dokumentuen arabera, Elon Musk, Peter Thiel eta Steve Bannon "uharte batera" joateko aukeraz aritu ziren Epsteinekin.
Hamasek su-eten baterako "bermeak" eskatu dizkio Trumpi, Gazan bahituak askatzeko
Talde palestinarrak egindako proposamenak Gazan dauden 48 bahituetatik erdiak askatzea jasotzen du, 60 eguneko su-eten baten truke. AEBko presidenteak aste honetan jasoko du proposamen ofiziala.
Erresuma Batuak nortasun agiri digitala sortu du legez kanpoko immigrazioa geldiarazteko asmoz
Gaur egun, herrialdeak ez du nortasun agiri nazionalik, eta herritarrak pasaportearekin, gidabaimenarekin edo bestelako egiaztagiriekin identifikatzen dira. Lan egiteko edo etxebizitza alokatzeko nahitaezkoa izango da erakustea, legez kanpoko immigrazioa eragozteko helburuarekin.
Netanyahuren esanetan, Israelek "lana amaitu behar du" Gazako Zerrendan
Israelgo lehen ministroa hitz egiten hasi denean, aretoa ia hutsik geratu da. Netanyahuk azpimarratu du ez duela Palestinako Estatua onartuko: "Erokeria da, ez dugu egingo".
Washington hiriburuan heriotza-zigorra berrezartzeko agindu exekutiboa sinatu du Donald Trumpek
Donald Trump AEBko presidenteak Washington hiriburuan heriotza-zigorra berrezartzeko eskatu dio Pam Bondi fiskal nagusiari, "aplikatu beharreko faktoreak" betetzen dituzten kasu guztietan. AEBko hiriburua astintzen ari den ustezko "kontrolik gabeko krimena"ri aurre egiteko neurri bat dela adierazi du Trumpek.