Biden ezustean Kievera joan da, eta 500 milioi dolarreko laguntza gehiago iragarri ditu
Zurrumurrua bazebilen, baina baieztapen ofizialik ez. Azkenean, gerra hasi zeneko lehenengo urteurrena betetzear dela, aurrez iragarri gabe joan da gaur goizean Joe Biden AEBko presidentea Ukrainara, eta han, Kiev hiruburuan, Volodimir Zelenski presidentearekin bildu da, Mariinsky Jauregian.
Bileraren ostean bi agintariok egin duten agerraldian, Bidenek iragarri du 500 milioi dolar gehiago emango dizkiola Ukrainari, dirulaguntza zuzenetan eta baliabide militarretan. Halaber, aste honetan bertan Errusiaren kontrako zigor gehiago jakinaraziko dituztela ziurtatu du.
Zelenski alboan zuela egin ditu adierazpenak buruzagi estatubatuarrak, eta Ukrainara igorriko duten pakete militarra xehetu du. Hala, artilleria munizioa, obusak, Javelin misilak eta tankeak eta ibilgailu astunak suntsitzeko gai diren armak bidaliko dituzte. Dena dela, Zelenskik nazioarteari hainbestetan eskatu dizkion F-16 motako hegazkinak ez ditu aipatu Bidenek. "Urtebete geroago, Kiev zutik dago, Ukrainak zutik jarraitzen du, demokraziak zutik jarraitzen du", gehitu du.
Era berean, AEBk Ukrainako "demokraziarekin, subiranotasunarekin eta lurralde batasunarekin" duen konpromisoa "hauskaitza" dela esan du. "Ez nuen nahi horren zalantzarik izatea, eta horregatik etorri naiz gaur Kievera", erantsi du.
volodimir zelenski joe biden
Bere aldetik, Zelenskik eskerrak eman dizkio Bideni, egindako bisitagatik eta eskainitako laguntzagatik. Bileran, besteak beste, "irismen luzeko armak" ere izan dituztela hizpide azaldu du Ukrainako mandatariak, eta baita "etor litezkeen beste arma batzuk ere", bestelako xehetasunik eman ez badu ere.
Etxe Zuriak ez du aurrez bisitaren berri eman, segurtasun arrazoiak tarteko. Gaur goizean baieztatu du bidaia, Biden Kieven zela.
Gerra lehertu zenetik lehen aldiz joan da AEBko presidentea Ukrainara. Abenduaren 21ean bildu ziren lehenengoz Biden eta Zelenski, Ukrainako presidenteak Washingtonera egin zuen bisita ofizialean.
Bihar, Poloniara joatekoa da buruzagi estatubatuarra, NATOrekin duen konpromisoa berrestera.
Gaurtik, Bidenen izena duen plaka oroigarria dago jarrita Kieven, Adorearen pasealekuan, Errusiaren inbasioa salatu eta Ukraina babestu duten beste hainbat arduradun gogoratzeko plakekin batera.
volodimir zelenski joe biden
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.