Zelenskik Xi Jinpingekin biltzeko asmoa du, eta nazioarteko goi-bilera bat egitea proposatu du
Volodimir Zelenski Ukrainako presidenteak gaur Kieven atzerriko kazetariekin egindako hitzaldi batean esan du Xi Jinpingekin biltzeko asmoa duela, Txina Errusiatik erretiratzea ekarriko duen Ukrainako liskarrak eteteko ahaleginetara gehitzeko. Gainera, Zelenskik "kontinente guztietako herrialdeekin" goi-bilera bat egitea proposatu du, NBEren Batzar Nagusian jasotako babesaren ostean.
Ukrainako buruzagiak, gainera, Txinak Errusiara armarik ez bidaltzea espero duela esan du. AEBren arabera, Pekin armak bidaltzea planteatzen ari da, baina Zelenskik hori eragozteko lanean ari dela adierazi du.
Zelenskik ez du xehetasunik eman balizko bilera horren lekuari edo uneari buruz, eta agerraldian Ukrainak aurkeztutako "bakerako formula" aldarrikatzea izan du ardatz.
Ukrainako presidenteak Txina edo India bezalako herrialdeetara hurbiltzeko asmoa azaldu du; izan ere, atzo Nazio Batuen Erakundean Ukrainak aurkeztutako gerra gaitzesteko ebazpen baten bozketan abstenitu egin ziren.
Goi-bilerari dagokionez, Zelenskik esan du "munduko ahalik eta herrialde gehien biltzeko gai den" herrialde batean egin beharko litzatekeela. Guztira 141 herrialdek bozkatu zuten NBEren ebazpenaren alde.
"Min, tristura, fede eta batasun urtea"
Errusiak Ukraina inbaditu zuenetik urtebete igaro den honetan, Ukrainako presidenteak adierazi du "min, tristura, fede eta batasun urtea" izan dela. "Urte honetan garaiezinak izan gara. Badakigu 2023a gure garaipenaren urtea izango dela", gaineratu du agintari ukrainarrak.
Zelenskiren esanetan, iazko otsailaren 24an "milioika" ukrainarrek bandera urdina eta horia defendatzeko hautua egin zuten. "Ez genuen ihes egin, aurre egin genion", azpimarratu du Ukrainako buruzagiak.
Sare sozialetan mezu eta bideo bana argitaratu ditu Zelenskik, eta bertan biktimak, zaurituak eta desplazatuak, Ukrainako Armadako soldaduak, eta Kieven eta munduko hainbat hiritan Ukrainaren alde egindako manifestazioak erakutsi ditu.
Horrez gain, Ukrainako presidentea nazioari zuzendu zaio eta gogorarazi du 2022ko otsailaren 24a "gure bizitzako luzeena" eta "gure historia modernoko egunik gogorrena" izan zela. "Goiz esnatu ginen eta ordutik ez dugu lorik egin", nabarmendu du.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.