Egoera "larria" da Sudanen, "lege gabeko" herrialdea da ia eta "osasun kolapsoan" dago, MGMren arabera
Mugarik Gabeko Medikuek (MGM) ohartarazi dute Sudango egoera "oso larria" dela Armadaren eta RSF talde paramilitarraren arteko borroken ondorioz, eta "osasun kolapsoa"ren atarian dagoela.
"Sudanen egoera oso larria da. Ikaragarria da. Tiroketak eta bonbardaketak izaten ari dira herritar askoko eremuetan, zibil asko dauden lekuetan", adierazi du Jairo Gonzalez MGMren Afrika ekialdeko arduradunak.
MGMren eledunak adierazi du "herrialdeko eremu asko legerik gabe" daudela, "milaka eta milioika zibil etxetik atera ezinda", eta ospitaleetara ezin iritsita.
MGMk jakinarazi du milaka direla zaurituak, eta zaurituak artatu ahal izateko astebetean indarrean jarritako hiru su-etenak ez direla errespetatu.
Sudango Armadaren eta paramilitarren arteko gatazkari buruzko gakoak
Gonzalezek esna du Nyalan duten osasun zentroetako bati eraso egin diotela talde armatuek. "Nyalan MGMk duen egoitzan sartu ziren eta guztia eraman zuten", salatu du.
Ebakuazioak hasi dira
Kaosaren erdian, apirilaren 15ean gatazka sortu zenetik harrapatuta dauden atzerritarrak ebakuatzen hasi dira jada, tartean Saudi Arabia, itsasontziz herritarrak bertatik ateratzen hasi dena, nahiz eta ramadana amaitzeko egiten den Aid al Fitr hiru eguneko ospakizunaren harira su-etena ez den errespetatu.
Abdelfatah al Burhan Sudango Armadako buruzagiak iragarri du "datozen orduetan" hasiko dela aire bidezko ebakuazioa AEBko, Britainia Handiko, Frantziako eta Txinako herritarrentzat, baina era berean, jakinarazi dute aireko espazioa itxita egongo dela hilaren 30era arte.
Gutxienez 413 pertsona hil eta 3.551 zauritu dira Sudanen gerra hasi zenetik, Munduko Osasun Erakundearen azken datuen arabera.
Armadaren eta RSF talde paramilitarraren arteko borrokaldia apirilaren 15ean hasi zen, eta azken urteetako krisi gogorrena eragin du herrialde afrikarrean. Trantsiziorako gobernua osatzeko negoziazioetan segurtasun indarren erreformaren inguruan dituzten desadostasunengatik piztu zen sua.
Trantsizio gobernua boteretik kentzeko estatu kolpea eman zuten bi aldeek 2021eko urrian.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.