Ekuadorko presidenteak Asanblea Nazionala desegin du bere kontrako epaiketa politikoa hasi eta biharamunean
Guillermo Lasso Ekuadorko presidenteak "heriotza gurutzatua" izenarekin ezaguna den Ekuadorko lege mekanismoa aktibatu du eta, ondorioz, hauteskunde legislatiboak eta presidentzialak deituko dituzte, Parlamentuan bere aurkako epaiketa politikoa hasi eta biharamunean.
Lassok dekretu bat sinatu du eta horrek Hauteskunde Kontseilu Nazionala behartzen du "berehala" hauteskundeak egiteko data zehaztera.
Gauzak horrela, dekretu bide gobernatuko du harik eta presidente berriak kargua hartzen duen arte. Tarte horretan, Ekuadorko Gobernuak premia ekonomikoko dekretuak onartu ahalko ditu.
Nazioari igorritako mezu batean, Lassok esan du presidente izateak eskatzen duela "une historiko bakoitzak eskatzen dituen erabaki egokiak eta beharrezkoak hartzea".
Agintariaren ustez, oposizioa nagusi den Parlamentuaren proiektu politikoa "Gobernua, demokrazia eta Estatua ezegonkortzea da".
Lassoren erabakia Asanblea Nazionalean bere aurkako epaiketa politikoa hasi eta biharamunean iritsi da. Oposizioak dirua bidegabe erabiltzea leporatzen dio eta atzoko agerraldian bere burua defendatzeko aukera izan zuen. Ekuadorko presidenteak Parlamentuan eztabaida eta zentsura mozioa egitea eragotzi du. Estatuburua kargutik kentzeko aldeko 92 boto behar dira zentsura mozioan, hemizikloaren bi herenenak.
Albiste gehiago mundua
60.000 eta 100.000 pertsona artean manifestatu dira Berlinen, Gazako genozidioaren amaiera eskatzeko
Bestalde, Israelek jakitera eman duenez, 750.000 pertsona atera dira Gaza Hiritik erasoaldia hasi zenetik, eta 50 hilketa zenbatu dituzte dagoeneko, tartean haurrak, bi mediku eta kazetari bat.
Alemaniak iragarri du droneak botatzeko lege bat onartuko duela
Berlinek iragarri du lege bat onartuko duela bere armadak droneak bota ahal izateko. Europako agintariak alerta gorenean daude droneen presentziagatik Europako aire-espazioan. Hainbat izan dira Danimarkan, eta aire-zirkulazioa geldiarazi ere egin dute, eta Alemanian droneen begiztatzeak ikertzen ari dira.
Espainian dabilen Israelgo Armadako sarjentu bat salatu dute Auzitegi Nazionalean, Gazan gerra krimenak egitea leporatuta
Salaketa Espainian bizi den kazetari palestinar batek jarri du, sarjentua asteburuan Madrilera futbol partida bat ikustera joan dela egiaztatu ondoren. Sarjentuak Gazako Zerrendan egindakoak erakutsi izan ditu bere sare sozialetan, baita une honetan Madrilen zegoela ere.
Portlanden protestei aurre egiteko tropak hedatu eta indarra erabiliko dutela iragarri du Trumpek
Horrela, Portland hiria eta Immigrazio eta Aduanen Kontrolerako Zerbitzuaren (ICE) atxiloketa-zentroa "babestu" nahi ditu AEBko presidenteak.
AEBk bisa kenduko dio Petrori, soldadu estatubatuarrei Trumpi desobeditzeko eskatu dielako
Kolonbiako presidenteak esan du erabakiak NBEren "immunitate arau guztiak" hausten dituela, eta egoitza New Yorken egotea ere kritikatu du.
Elon Musken eta Jeffrey Epstein pederastaren arteko harremana frogatzen duten dokumentuak kaleratu dituzte
Kongresista demokratek argitaratutako dokumentuen arabera, Elon Musk, Peter Thiel eta Steve Bannon "uharte batera" joateko aukeraz aritu ziren Epsteinekin.
Hamasek su-eten baterako "bermeak" eskatu dizkio Trumpi, Gazan bahituak askatzeko
Talde palestinarrak egindako proposamenak Gazan dauden 48 bahituetatik erdiak askatzea jasotzen du, 60 eguneko su-eten baten truke. AEBko presidenteak aste honetan jasoko du proposamen ofiziala.
Erresuma Batuak nortasun agiri digitala sortu du legez kanpoko immigrazioa geldiarazteko asmoz
Gaur egun, herrialdeak ez du nortasun agiri nazionalik, eta herritarrak pasaportearekin, gidabaimenarekin edo bestelako egiaztagiriekin identifikatzen dira. Lan egiteko edo etxebizitza alokatzeko nahitaezkoa izango da erakustea, legez kanpoko immigrazioa eragozteko helburuarekin.
Netanyahuren esanetan, Israelek "lana amaitu behar du" Gazako Zerrendan
Israelgo lehen ministroa hitz egiten hasi denean, aretoa ia hutsik geratu da. Netanyahuk azpimarratu du ez duela Palestinako Estatua onartuko: "Erokeria da, ez dugu egingo".
Washington hiriburuan heriotza-zigorra berrezartzeko agindu exekutiboa sinatu du Donald Trumpek
Donald Trump AEBko presidenteak Washington hiriburuan heriotza-zigorra berrezartzeko eskatu dio Pam Bondi fiskal nagusiari, "aplikatu beharreko faktoreak" betetzen dituzten kasu guztietan. AEBko hiriburua astintzen ari den ustezko "kontrolik gabeko krimena"ri aurre egiteko neurri bat dela adierazi du Trumpek.