Gutxienez lau pertsona hil dira Errusiak Ukraniako ospitale baten aurka egindako eraso batean
Gutxienez lau pertsona hil dira Errusiak Dnipro hiriko (Ukraina erdigunean) ospitale baten aurka egindako eraso batean, Ukrainako agintariek igande honetan jakitera eman dutenez. "Dniproren aurka misilekin egindako erasoan desagertutako hiru pertsonaren gorpuak aurkitu ditugu", azaldu dute tokiko agintariek.
"Zoritxarrez, hilda topatu ditugu Dnipro hiriko ospitale baten aurka egindako erasoan desagertutako hiru pertsonak", nabarmendu du Serhiy Lysak Dnipropetrovsk eskualdeko gobernadoreak.
Telegramen zabaldutako mezu batean azaldu dutenez, 56 urteko mediku bat, 64 urteko osasun arloko langile bat eta 57 urteko albaitari bat dira hildakoak, hain zuzen ere.
Agintariek aldez aurretik jakinarazi zuten 69 urteko gizon bat hil zutela erasoan, eta hogei zauritu baino gehiago zeudela, tartean 3 eta 6 urteko bi haur.
"Gizagabe hauek garaitu behar ditugu, ahal bezain lasterren eta atzera bueltarik gabe", idatzi du Volodimir Zelenski Ukrainako presidenteak Twitterreko bere kontuan, erasoaren lehen balantzearen berri izan orduko.
Ukrainako Barne Ministerioak bideo bat argitaratu zuen ostiralean. Bertan suntsitutako eraikina ikusten da ketan, eta haren inguruan suhiltzaileak lanean.
Dron errusiarren erasorik handiena jasan du Kievek
Halaber, Moskuko tropen inbasioa hasi zenetik dron errusiarrekin egindako erasorik bortitzena jasan du hiriburu ukrainarrak. Gutxienez pertsona bat hil da eta beste bat zauritu.
Azken orduetan, Ukrainako defentsek Iranen egindako 40 dron bota ditu gutxienez Kievko aire eremuan. "Hau izan da inbasioa hasi zenetik hiriburuaren kontra izan den erasorik handiena", agintari ukrainarrek azaldu dutenez.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.