Mauritaniak baztertu egin du 170 pertsona migratzaileak porturatzea, eta Senegalera eramango dituzte
Mauritaniak baztertu egin du Espainiako ontzi baten barruan dauden 170 pertsona migratzaileak bere herrialdean porturatzea. Rio Tajo ontziak (Guardia Zibilarena da) lau egun zeramatzan Nuadibuko badian ainguratuta, Mauritaniako agintariek lehorreratzeko baimena eman zain.
Espainiako Gobernuko iturriek jakinarazi dutenez, Barne Ministerioak "egin beharreko kudeaketak egin ditu une oro", baina azkenean, Mauritaniaren ezezkoa jasota, erreskatatutako pertsonak Senegalera itzularaztea ebatzi du. Ontzia atzo arratsaldean jarri zen hara bidean, eta gaur heltzea espero da.
Ontziko egoera "lasaia da, zailtasunaren barruan". Atzo erreskatatuek senitartekoei txandaka deitzeko sistema jarri zuen martxan Guardia Zibilak. Gainera, Nuadibutik janaria eta baliabideak helarazi zaizkie, "etengabe".
Itsasoko Gurutze Gorriak tapakiak eta bestelako tresnak bidali dizkie, gainera. Pertsona migratzaileek osasun arreta jaso dute, batez ere erreskatatutako batek (deshidratazio larria zeukan itsasotik atera zutenean). Bero-kolpea izandako pertsonak eta paterako bidaian min hartutakoak ere artatu dituzte.
Ontzigainean eguzki-oihalak paratu dituzte, eta ontziak nabigatzen jarraitu du brisa egon zedin.
Barne Ministerioak aitortu duenez, lau egunetan "tentsio uneren bat" izan da, eta agenteek tiroak egin zituzten airera egoera kontrolpean hartzeko.
2017tik lehen aldiz egin dio uko Mauritaniak erreskatatuak hartzeari. Bi herrialdeek hitzarmena dute duela 10 bat urte. Horren arabera, "migratzaileak, euren nazionalitatea edozein dela ere, portuetara itzultzeko eskubidea du Espainiak, Mauritaniako kostaldetik irten edo igaro badira". Ezezkoari garrantzia kendu dio Barne Ministerioak, eta Mauritaniarekin dituen harremanak "bikainak" direla azpimarratu zuen igandean; "horren erakusle" da 2021ean 55 ontzi heldu zirela Kanarietara, baina iaz bost izan ziren, aurten bezala.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.