NBEko Segurtasun Kontseiluak Israelen eta Palestinaren arteko gatazka berriro aztertuko du bihar
NBEko Segurtasun Kontseilua gaur bilduko da berriro, Israelen eta Palestinaren arteko gatazkari buruz hitz egiteko; izan ere, bost egunetan mila hildako inguru eragin ditu alde bakoitzean, iturri diplomatiko batek baieztatu duenez.
Segurtasun Kontseiluaren bilera berria New Yorken izango da, Euskal Herriko 19:00etan, baina ez dute oraingoz formatua zehaztu, iturri berdinaren arabera.
Joan den larunbatean Hamas talde islamistak Gazatik Israelera egindako ezusteko erasoak bi aldeen arteko gerra berrabiarazi zuen, eta nazioarteak kezka agertu du zibilen heriotzengatik eta eskualdean eragin dezakeen ezegonkortasunagatik.
Bi lehentasun horiek izan zituen Segurtasun Kontseiluak, estatu kide batzuek joan den igandean gatazkari buruz ateak itxita egindako lehen batzarraren ostean adierazi zutenez.
Israelek asteazkenean berreskuratu zuen lurraldearen kontrola, eta miliziak kanporatu zituen, baina ohartarazi du oraindik "terroristak" gera daitezkeela infiltratuta, eta Gazaren erabateko blokeoa mantentzen duela, nahiz eta Zerrenda beste hondamendi humanitario baten atarian egon Israelen bonbardaketak jasotzen dituen bitartean.
Errefuxiatu palestinarrentzako NBEren Agentziako (UNRWA) hamaika langile hil dira larunbatetik Gazako Zerrendan izandako aire-erasoen ondorioz. Zentzu horretan, Antonio Guterres Nazio Batuen Erakundeko idazkari nagusiak deitoratu egin du langile horiek "preziorik altuena ordaindu izana". Gogorarazi duenez, "NBEren instalazioak eta ospitale, eskola eta klinika guztiak ez dira inoiz helburu izan behar".
NBEko idazkari nagusiak Gazan bahitutako israeldar guztiak "berehala" askatzea eskatu du. Zerrendan hornidurak sartzen uzteko ere eskatu du. Gainera, eskualdean gatazka hedatzeak kezkatzen duela eta eskualdeko buruzagiekin harremanetan dagoela azpimarratu du.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.