Gazako egoera humanitarioa gero eta zailagoa da Israelen balizko inbasioaren atarian
Israelgo Armadak jakinarazi du soldadu israeldarrek lehen erasoaldiak egin dituztela gaur Gazan, Hamasek larunbatean bahitutako pertsonen bila, une batetik bestera hasiko ei duen inbasioaren atarian.
Bien bitartean, Tel Avivek 24 orduko epea eman die Gazako iparraldeko biztanleei ingurua ebakuatzeko.
Israelek ultimatuma eman eta gero, milaka pertsonak etxea utzi dute, eta hegoalderantz abiatu dira.
Nazio Batuen Erakundearen arabera, Gazako Zerrendako populazioaren ia erdia mugitzea "ezinezkoa" da orain, eta "ondorio humanitario izugarriak" izan ditzake.
Israelen ultimatumaren ondorioz, Ekialde Hurbileko Palestinar Iheslariei Laguntzeko Nazio Batuen Agentziak bere operazio zentro nagusia eta bertakoak ez diren langileak hegoaldera aldatu ditu giza laguntza ematen jarraitzeko.
Munduko Osasun Erakundeak adierazi duenez, "ezinezkoa" da Gaza iparraldeko ospitaleak ebakuatzea, batetik, lekualdatzeko prozesuan asko hil egingo liratekeelako, eta, bestetik, hegoaldeko ospitaleek ez dutelako tokirik gaixo gehiago hartzeko. Aurrez, Munduko Osasun Erakundeak esan du erregaia eta botikak behar direla hondamendi humanitarioa saihesteko.
Bien bitartean, Gaza argindarrik gabe gelditu ostean, elikagaiak eskuratzea gero eta zailagoa da eta oinarrizko zerbitzuak kolapsatzeko zorian daude.
Gazako Osasun Ministerioak emandako azken datuen arabera, 1.537 pertsona hil (500 haur eta 276 emakume tartean) eta 6.268 zauritu dituzte.
Zure interesekoa izan daiteke
AEBk eta Iranek bi asteko su-etena adostu dute, Ormuzen irekiera bermatu ostean
Pakistanen bitartekaritzak su-eten akordio bat ixtea ahalbidetu du. Akordioa berehala sartuko da indarrean eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.