NBEk ikerketa zabaldu du Hamasen eta Israelen ekintzak gerra krimenak diren argitzeko
Palestinako Lurralde Okupatuen NBEko Ikerketa Batzordeak iragarri du urriaren 7tik —egun horretan abiatu zuen ezusteko eraso bat Hamasek— Gazan zein Israelen izan diren erasoak ikertuko dituztela, gerra krimenak diren argitzeko. Hala, Hamas erakundeak, Israelgo segurtasun indarrek eta beste talde palestinar armatu batzuek egindako ekintzak aztertuko dituzte "urgentziaz". Hala baieztatu du Navy Pillay aipatutako batzordeko buruak. Horren hitzetan, "urriaren 7tik hona aurrekaririk gabeko sarraskiak ikusi ditugu", eta "premiazkoa" da horiek guztiak ikertzea.
2008tik 2014ra bitartean NBEko Giza Eskubideen goi ordezkaria izan zenak behin eta berriz nabarmendu du "zibilak eta zibilen azpiegiturak beti babestu" egin behar direla, eta inoiz ez direla "erasoen jomuga" izan behar. Giza eskubideen naziorteko araudia ekarri du gogorra, eta gehitu du alde guztiek dutela hori betetzeko derrigortasuna.
Israelen eta Palestinaren arteko gatazkan izandako giza eskubideen urraketen inguruko txostena plazaratu du gaur NBEk, baina 2021eko maiatzetik 2023ko abuztura arteko ekintzak jasotzen dira bertan. Azken 10 egunotako erasoak ez daude bilduta, eta hori argitzera atera da Pillay. Haren esanetan, "nazioarteko legedia errespetatzea da indarkeria amaitzeko bide bakarra". "Horretarako, gatazkaren jatorrira jotzea beharrezkoa da, hau da, herri palestinarraren okupazioa eta herri horrek duen autodeterminaziorako eskubidea aitortzea", gehitu du.
Gaur kaleratutako txostenak dio azken urteotan gatazkan parte hartu duten alde guztiek ez dutela neurririk hartu zibilen heriotzak ekiditeko.
Urriaren 7an lehertu zen gerrari buruz, NBEko ordezkariak azaldu du Hamasek abiatutako erasoaldiak zein Israelgo Gobernuaren erantzunak gerra krimenen zantzu nabarmenak dituztela.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.