EBko estatu kideek akordioa adostu dute, Israeli "eten humanitarioa" eskatzeko
Europar Batasuneko buruzagiek "korridore eta geldialdi humanitarioak" eskatu dituzte ostegun honetan Bruselako goi-bileran, Gazako Zerrendari laguntza emateko.
"Europako Kontseiluak kezka larria adierazten du Gazako egoera humanitario okerragatik, eta laguntza humanitario jarraitua, azkarra, segurua eta oztoporik gabea eskatzen du laguntza behar duten guztiengana iristeko, beharrezko neurri guztien bitartez, korridore eta geldiune humanitarioak barne", jasotzen du liderrek onartu dituzten ondorioen zirriborroak.
Espainiak eta Irlandak, esaterako, nahiago zuten deklarazioak su-etena eskatzea, baina Alemania eta Austria, besteak beste, ez dira ados agertu adierazpen horrekin, eta hasieratik egin dute geldialdi humanitarioak erreklamatzearen alde. Aukera hori nagusitu da azkenean.
Mark Rutte Herbehereetako lehen ministroak nabarmendu duenez, "inork ez du geldialdi humanitarioen aurka egiten", baina "su-etena eskatzen baduzu, ondorioztatzen duzu Israelek ezin duela bere burua defendatu". Europar Batasuna ados dago horrekin, betiere nazioarteko zuzenbidearen mugen barruan. Ildo horretan, iturri diplomatiko baten esanetan, "Europa su-etena eskatzen ari dela ulertuko lukeen norbait balego, arazoa izango litzateke".
EBk inguru hartan dituen kideekin lan egiteko konpromisoa hartu du, zibilak babesteko eta elikagaiak, ura, laguntza medikoa, erregaia eta herritarrak babesteko, "erakunde terroristek laguntza hori gaizki erabiltzen ez dutela bermatuta".
Urriaren 7an Hamasek Israelen egindako erasoaldian bahitu zituen pertsona guztiak askatzeko ere eskatu diote buruzagiek Erresistentzia Mugimendu Islamikoari.
Europako buruzagiek nabarmendu dute beharrezkoa dela gerrak eremu hartako beste herrialde batzuetara ez zabaltzea, eta, horretarako, kideekin harremanak izateko konpromisoa hartu dute, Palestinako Aginte Nazionala barne.
Goi-bileraren ondorioen arabera, "EB prest dago bi estatuen arteko konponbidean oinarritutako prozesu politikoa berpizten laguntzeko", eta "laster" bakerako nazioarteko konferentzia bat egitea babesten du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".