Israelek Indonesiako Ospitalea du orain jomugan, Zerrendaren iparraldean
Gazako Zerrendako agintariek salatu dutenez, Israelgo indar armatuak Indonesiako Ospitalea setiatzen ari dira, Zerrendaren iparraldean, eta gaixoak ebakuatzeko "korridore seguruen bermerik ez" dagoela salatu dute.
Gutxienez hamabi pertsona hil dira Indonesiako Ospitaleko instalazioen aurkako erasoetan, eta guneko hainbat eraikin suntsituta geratu dira. "Israelen okupazioak Gaza iparraldea osasun zerbitzurik gabe uzteko helburua du", salatu dute.
Ashraf al Qidra Gazako Osasun Ministerioko bozeramaileak adierazi duenez, Israelek "Al Shifa Ospitalean egindako krimenen ostean, Indonesiako Ospitalea base militar bihurtu nahi du". Halaber, "zaurituak giza ezkutu gisa" erabili nahi dituztela adierazi du, "Al Shifa Ospitalean egin zuten bezala".
Une honetan, 700 pertsona daude instalazioetan, 260 "zauritu eta gaixo" barne.
Indonesiako Atzerri ministro Retno Marsudik gogortasun osoz gaitzetsi ditu erasoak, eta "Nazioarteko Zuzenbide Humanitarioaren urraketa argia" direla azpimarratu du. "Herrialde guztiek, Israelekin gertuko harremanak dituztenek bereziki, euren ahalmen guztia erabili beharra daukate Israeli eskatzeko bere ankerkeriei amaiera emateko", gaineratu du.
Maan Palestinako albiste agentziak emandako informazioaren arabera, Israelgo Armadak artilleriarekin eraso die instalazioei, eta tankeekin ospitalera jo dute, inguratzeko asmoz.
Israelgo Armadak argudiatu du Indonesiako Ospitalea helburu militarrekin erabiltzen zuela Hamasek, eta instalazioen azpian tunel sare bat dagoela. Asiako herrialdeko agintariek ukatu egin dute hori horrela denik, baita ospitalea finantzatzen duen Larrialdietako Erreskaterako Mediku Batzordeak (MER-C) ere.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.