30 pertsona baino gehiago atxilotu dituzte Dublinen, eskuin muturreko taldeek eragindako istiluetan
30 pertsona baino gehiago atxilotu dituzte ostegunean, azken orduan, Dublinen izandako istiluetan. Talde ultraeskuindarrek eragin zituzten liskarrak, Irlandako hiriburuko erdialdeko eskola baten ondoan erasotzaile batek bost pertsona, tartean hiru haur, sastatuta zauritu ondoren.
Drew Harris Poliziaren buruak 30 atxilotu baieztatu ditu eta "atxiloketa gehiago" egingo dituztela iragarri du. Gauean 13 denda arpilatu eta hiru autobus eta tranbia bat suntsitu dituzte. Gainera, Poliziaren hamaika ibilgailutan kalteak egin eta hainbat polizia zauritu dituzte; horietako bat larri dago.
Agintariek eskuin muturreko taldeei leporatu diete istiluen erantzukizuna, eta osteguneko erasoari buruzko informazio ofiziala kontuan izateko eskatu diete herritarrei, Interneten bolo-bolo dabiltzan buloen biktima ez izateko. Oraingoz ez dago erasoari buruzko behin betiko bertsiorik, baina hasiera batean Poliziak adierazi zuen ez duela ematen eraso terrorista bat izan denik.
Leo Varadkar lehen ministroak gogor gaitzetsi ditu liskarrak, "Irlandarentzat lotsagarria" delako, eta istiluetan 500 bat pertsonak parte hartu zutela gaineratu du. "Irlandarra izatea bandera agurtzea eta bularra astintzea baino zerbait gehiago da", adierazi du agintariak.
Era berean, atzoko erasoaren biktimak gogora ekarri ditu: bost urteko neskato batek eta emakume heldu batek zauri larriak jasan zituzten, baita ustezko erasotzaileak ere. Lehen ikerketen arabera, erasotzaileak bakarrik jardun zuen.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.