Ukrainari eta Israeli diruz laguntzeko neurrien onarpena blokeatu du Alderdi Errepublikanoak
Ukrainari eta Israeli diruz laguntzeko neurri sorta baten onarpena blokeatu du Alderdi Errepublikanoak AEBko Senatuan. Hain zuzen ere, 105.000 milioi dolarreko (97.526 milioi euro) aurrekontua zuten gordeta horretarako.
Neurri sorta babestearen truke, baina, AEBko migrazio legeak mugatzeko eskatu dute errepublikanoek, batez ere, asilo sistemari dagokiona, eta etorkinei eman ohi dizkieten zenbait baimen humanitario kentzeko galdegin dute.
Gauzak horrela, 49 senatariek ezezkoa eman diote demokratek bultzatutako egitasmoari. Horrekin, Kievi 61.000 milioi euroko dirulaguntzak eman nahi zizkieten, eta Israeli 14.000 milioi eurokoak.
Demokratek Senatuan gehiengoa (51 eserleku) duten arren, 60 boto behar zituzten proiektua aurrera eramateko. Hortaz, errepublikanoen aurkaritza nahikoa izan da neurri sorta blokeatzeko.
Hemizikloan egindako agerraldian, Mitch MacConell kontserbadoreen buruak ziurtatu du ez dutela ezein neurri sorta onartuko, trukean migrazio legeak mugatzen ez badituzte.
Bestalde, demokratek berretsi dute eurentzat ezinbestekoa dela Ukraina eta Israel babesten jarraitzea. Bidenek berak atzo esan zuen migrazio gaietan amore emateko prest dagoela, babes hori bermatzearen truke.
Errepublikanoek egindako eskarien artean daude AEBn asiloa eskatzea baimentzen duen legea aldatzea, alegia, babes bila doazenen baldintzak are gehiago zorroztea, negoziazioen inguruan filtratu den informazioaren arabera.
Zure interesekoa izan daiteke
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoi, kulturaniztun eta ezkertiar berriaren izarra da. New Yorkeko alkate berriak boto gazte eta multikulturala bideratzea lortu du, etxebizitza eskuragarrian eta ezker demokrataren berrikuntzan oinarritutako mezuarekin.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.