Israelgo soldaduek dozenaka gizon biluztu eta eskuburdinak jarri dizkiete Gazan, sareetako irudien arabera
Ostegun honetan sareetan zabaldu diren irudietan ikusten denez, Israelgo soldaduek erdi-biluzik utzi dituzte dozenaka gizon palestinar kalean, eskuak eskuburdinekin lotuta, eta kamioietan eraman dituzte.
Sareetan zabaldutako argazkietan, taldeka edo ilaran, kalean eserita, euren arropak eta oinetakoak inguruan botata dituztela ikus daitezke. Kamioietan sartuta ere agertzen dira. Gaiaz galdetuta, laster xehetasunak emango dituela esan dio EFEri Israelgo Armadak.
Zerrendako zenbait kazetarik esan dutenez, irudietakoak zibilak dira, Beit Lahia eta beste toki batzuetan atxilo hartutakoak.
Horietako bat Diaa Al Kahlot kazetaria da, Gazako Al-Arabi Al-Jadeed egunkariko kazetaria.
Israelgo indarren militarren kontrolak lirateke irudietan ikusten direnak, Hamasko "terroristak" bilatzeko egindakoak.
NBEren ustez, irudi "kezkagarriak" dira
Stephane Dujarric NBEko idazkari nagusiaren bozeramailearen hitzetan, "kezkagarriak" dira hedabide palestinarrek zabaldutako irudiak, Israelgo Armadak Gazako Zerrendan atxilotu dituen pertsonei tratu "ez duina" ematen diela erakusten dutenak.
"Gaur goizean ikusi ditugun irudiak oso kezkagarriak dira, pertsona orok duelako giza duintasunerako oinarrizko eskubidea, eta pertsona horiei eskaini zaien tratuaren irudiak oso kezkagarriak dira", adierazi du Dujarricek prentsaurreko batean.
Albiste gehiago mundua
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.