NBEko Gai Humanitarioetako buruak ez du baztertu Gazarako "auzitegi berezia" sortzea
Martin Griffiths NBEko Gai Humanitarioetako buruak "auzitegi berezi" bat sortzeko atea zabalik utzi du, Gazan gertatzen ari dena epaitzeko, "zigorgabetasuna" maila guztietan ezarri baita.
"Gerra lehen aukera gisa aukeratzeak dakarren zigorgabetasuna ez da inoiz handiagoa izan. Eta laguntza humanitarioko langileak hiltzeko zigorgabetasuna ez da inoiz hain handia izan... Gerra honetan zigorgabetasun handia ikusi dugu", esan du Griffithsek Financial Timesen egindako elkarrizketa batean.
"Agian auzitegi berezi bat beharko da", esan du Nazio Batuen Erakundeko Gai Humanitarioen buruak, horrelako espazioek erantzukizunak eskatzeari dagokionez duten historialean oinarrituta.
Griffithsek ohartarazi duenez, gerra hau amaitzetik urrun dago, eta Gazako historiako krisi humanitario larriena eragin du. "Ez dut uste honen erdira ere iritsi garenik. Asteak eta asteak falta zaizkigu, gerra basati hau amaitzeko", esan du.
Azken erasoak
Gutxienez ehun pertsona hil dira Jabalian, Gazako Zerrendaren iparraldean, eta beste hainbeste hondakinen azpian harrapatuta geratu dira, Israelgo Armadak gauean egindako bonbardaketen ondorioz, Osasun Ministerioak jakinarazi duenez.
Gainera, lau palestinar hil dira astelehen honetan, tartean bi nerabe, Israelgo Armadaren tiroen ondorioz, okupatutako Zisjordania iparraldeko operazio militar batean.
Zure interesekoa izan daiteke
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.