Trumpek garaipen argia lortu du Iowako caucusetan, errepublikanoen artean lidergoa baieztatuta
Donal Trump AEBko presidente ohi eta 2024ko hauteskundeetan errepublikanoen hautagai izan daitekeenak garaipen eztabaidaezina eskuratu du Iowako caucusetan. Botoen % 51,1 lortu ditu, bigarren hautagairi, Ron DeSantis Floridako gobernadoreari, 30 puntuko aldea aterata.
Kontaketa ia bukatuta dagoela, Trumpek 55.835 boto eskuratu ditu, Ron DeSantisen bikoitza baino gehiago (23.172 boto, % 21,2). Nikki Haley Hego Karolinako gobernadore ohi eta Nazio Batuen enbaxadore izandakoa hirugarren postuan geratu da: 20.817 boto zenbatu dituzte (% 19,1).
Iowako caucusek utzi dute "biktima" bat. Vivek Ramaswamy enpresaburua (laugarren postuan, 8.358 boto eta % 7,6) barne hauteskundeen lehiatik atera da, eta Trumpi babesa erakutsi dio.
Lehen caucus hauetan 40 ordezkari banatzen dira. Horrenbestez, Trumpek 20 eskuratu ditu; De Santisek, 8, eta Haleyk, 7. Gainerako bi ordezkariak behin betiko emaitzen arabera banatuko dira.
Trump: "Gure herrialdea batzeko unea da"
Garaipena baieztatuta, agerraldia eskaini du buruzagi errepublikanoak. "Gure herrialdeak batu beharra dauka. Bat egin nahi dugu. Izan errepublikanoa ala demokrata, liberal zein kontserbadore... ondo legoke denok batzea eta mundua konpontzea. Begi aurrean dugun heriotza eta hondamendiarekin bukatzeko garaia da", nabarmendu du.
DeSantis ere pozik agertu da zaleen aurrean. "Gure heriotza-oharra idazten ari ziren duela hilabete batzuk. Are gehiago, jendeak bozkatzeko aukera izan aurretik garailea nor zen iragarri zuten", salatu du. Izan ere, hedabideei barne hauteskundeetan "esku hartzea" leporatu die, caucusak hasi eta ordu erdira Trumpen garaipena iragartzeagatik.
Azkenik, DeSantisengandik bi puntu eskasera geratu den Nikki Haleyk ere irakurketa positiboa egin du. "New Hampshiren, Hego Karolinan eta beste estatu batzuetako gure emaitzak ikusten dituzunean, argi geratzen zaizu errepublikanoen barne hauteskundeetan bi pertsonen artean egongo dela lehia" (Trump eta biok kokatu ditu borrokan, DeSantis baztertuta).
Bidenen ustez, Trump da errepublikanoen "faborito argia"
Trumpen garaipena baieztatuta, Joe Biden AEBko presidenteak berak "faborito argitzat" jo du Alderdi Errepublikanoko buruzagia.
"Badirudi Donald Trumpek irabazi duela Iowan. Bera da, gaur-gaurkoz, faborito argia beste taldean. Baina hori da kontua: hauteskunde hauetan zu (boto-emailea) eta biok gaude MAGAko (Make America Great Again, Trumpen leloari erreferentzia eginda) errepublikano muturrekoen kontra", idatzi du X sarean.
Jarraitzaileei bere kanpainarako dirua eskatzeko baliatu du agerraldia Bidenek. Izan ere, argudiatu duenez, AEBko demokraziarentzat "mehatxu larria" da, eta aurre egin behar zaio.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.