Frantzia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Dozenaka mila lagun atera dira kalera Frantzia osoan, migrazio lege berriaren kontra

Ezkerreko alderdiek eta ekologistek legearen aurkako helegitea aurkeztu zuten Konstituzio Kontseiluan, eta hark ostegunean emango du testuaren konstituzionaltasunari buruzko erabakia. Le Penen eskuin muturraren botoekin onartu zuen testua Gobernuak; beharrezkoak zituen, gehiengorik ez baitu.
Immigrazio legearen aurkako manifestazioa Montpellierren. EFE.
Immigrazio legearen aurkako manifestazioa Montpellierren. EFE.
author image

Agentziak | EITB Media

Azken eguneratzea

Milaka pertsona atera dira kalera igande honetan Frantzian immigrazioari buruzko lege polemikoaren aurka, Konstituzio Kontseiluak arauaren baliozkotasunari buruzko erabakia iragarri eta lau egunera.

Guztira 164 martxa zeuden deituta herrialde osoan, "Errepublikaren historian bira arriskutsua" dela uste duten legearen aurka protesta egiteko. Hala jaso dute bizitza publikoko hainbat alorretako 201 pertsonak sinatutako deialdiaren manifestuan.

Barne Ministerioaren arabera, 75.000 izan dira herrialde osoko manifestariak; CGT sindikatuarentzat, herrialdeko bigarren garrantzitsuena, 150.000 izan dira.

Parisen 16.000 lagun izan dira manifestazioan, eta kulturaren eta politikaren arloko hainbat pertsona ezagunek hartu dute parte, besteak beste, Olivier Faure Alderdi Sozialistako eta Fabien Roussel Komunistako arduradun nagusiak

Cabecera de la manifestación de París. EFE. Cabecera de la manifestación de París. EFE.

Konstituzio Kontseiluak datorren ostegunean emango du legearen konstituzionaltasunari buruzko erabakia. Joan den abenduan onartu zen, Marine Le Penen Elkarte Nazionalaren (RN) eskuin muturraren aldeko botoekin.

Abenduaren erdialdean Legebiltzarreko bi ganberek onartutako legeak izaera kontserbadoreko neurriak jasotzen ditu, Gobernuak ez baitu gehiengorik ganbera legegilean, eta eskuin tradizionalaren babesa behar zuen.

Neurri horien artean daude gizarte-prestazioak gogortzea, egonaldi irregularreko delituak berreskuratzea edo familia-elkartzeak gogortzea.

Alderdi ezkertiar eta ekologistek helegitea aurkeztu zuten abenduaren 22an Konstituzio Kontseiluan; izan ere, haien iritziz, legearen 24 artikuluk Frantziako Konstituzioa urratzen dute.

Migrazio lege berriaren kontra eta elkartasun politiken alde kalera atera dira Hendaian
Munduko albisteak Migrazioa Frantzia Eguneko Titularrak Manifestazioak Giza eskubideak Frantziako Gobernua

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X