AEBk eta Erresuma Batuak berriro misilak jaurti dituzte huthien kontra Yemenen
Ameriketako Estatu Batuek (AEB) eta Erresuma Batuak berriro misilak jaurti dituzte huthien kontra Yemenen, talde hori Itsaso Gorrian merkataritza ontzien kontra egiten ari den erasoak direla eta. Hamar eguneko epean bigarren aldiz bonbardatu dute Yemen.
Pentagonoak (AEBko Defentsa Departamenduaren egoitza nagusia) ohar bidez jakitera eman duenez, huthiek Itsaso Gorriko erasoetan erabiltzen dituzten armak gordetzeko lur azpian eraikita zuten biltegi bat suntsitzea zen bigarren operazio honen helburua, eta lortu dute. Era berean, aipatutako iturriaren arabera, huthiek defentsarako dituzten aire-sistemak eta radarrak suntsitzea ere lortu dute.
"Zehazki, huthien kontrolpean zeuden zortzi aire-base bonbardatu dira bigarren operazioan, Itsaso Gorriko erasoak antolatu eta prestatzeko erabiltzen zituztenak", esan du Pentagonoak.
Atzo iluntzean jaurti ziren misilak, Yemenen 23:00ak zirenean. AEBk eta Erresuma Batuak elkarrekin egindako operazioa den arren, hainbat herrialderen babesa ere badute, tartean, Australiarena, Kanadarena edota Herbeherena.
Duela hamar egin zen lehendabiziko operazioa. Orduan ere, AEBk eta Erresuma Batuak airez bonbardatu zuten Yemen. Bi herrialdeon arabera, matxino huthiek entzungor egin diete Itsaso Gorrian ontzien kontrako erasoak geldiarazteko eskaerei. Berehala etorri zen matxinoen erantzuna: misil balistikoak eta gurutzaldi-misilak jaurti zituzten.
Europaren itsas-misioa
Bien bitartean, Europar Batasuneko Atzerri Gaietako ministroek Itsaso Gorriko gatazka izan zuten hizpide atzo izandako batzarrean. Besteak beste, adostu zuten merkataritza ontzien segurtasuna bermatzeko itsas-misio berezi bat martxan jartzea.
Josep Borrell EBko diplomaziaburuak azaldu zuen misioa nola eta noiz jarriko den martxan erabakitzeke dagoela oraindik. Halere, zehaztu zuen merkataritza ontziak babestea izango dela misio honetan itsasoratuko dituzten barku berezien helburua.
AEBk eta Erresuma Batuak 18 eraso burutu dituzte, huthien esanetan
Yemengo huthiek baieztatu dute AEBk eta Erresuma Batuak 18 eraso egin dituztela, eta aurreratu horiei erantzungo diotela, eta zigortu egingo dituztela.
"Hegazkin militarrek 18 aire eraso egin dituzte azken orduetan (...), eta horri erantzungo diogu", adirazi du Yehya Sarea bozeramaile huthie militarrak X sare sozialaren bidez.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.