AEBk eta Erresuma Batuak aire erasoa egin dute Yemenen, huthien kontra
Ameriketako Estatu Batuek (AEB) eta Erresuma Batuak airez bonbardatu dute bart Yemen. Bi herrialdeon arabera, matxino huthiek entzungor egin diete Itsaso Gorrian ontzien kontrako erasoak geldiarazteko eskaerei, eta milizia xiiten menpe dauden sei eskualderi eraso diete, tartean Sana hiriburuari. Ia berehala heldu da matxinoen erantzuna: misil balistikoak eta gurutzaldi-misilak jaurti dituzte, eta bi herrialdeei gerra deklaratu diete.
Joe Biden AEBko presidenteak ohar bidez baieztatu du erasoa. Zehaztu duenez, Australiaren, Bahrainen, Kanadaren eta Herbeheeren laguntzarekin egin dituzte erasoak. "Ontzien kontrako eraso zoro horien kontrako nazioartearen erantzuna bateratua eta irmoa izan da", adierazi du presidente estatubatuarrak.
EFE albiste agentziak aipatutako lekukoen arabera, huthien menpe dauden sei probintzia bonbardatu dituzte AEBk eta bere aliatuek. Tartean daude Sana hiriburua, Al Hudaydah portuko hiria, eta Saada, Dhamar, Taiz eta Hajjah eskualdeak (herrialdearen mendebaldea).
Ekialde Hurbileko gatazkaren eskalatzea
Gazako Zerrendaren mugak gainditu ditu, horrenbestez, Ekialde Hurbileko gatazkak. Hain justu, Israelek eremu palestinarren kontra egindako erasoak salatzeko, huthiak Al Badeh itsasartetik eta Itsaso Gorritik Suezko kanalera doazen merkataritza-ontziak blokeatzen eta erasotzen hasi ziren urte amaieran. Diotenez, euren asmoa ez da ontziak hondoratzea, Israeli presio ekonomikoa egitea baizik, Gaza erasotzeari utz diezaion.
AEBren arabera, azaroaren 19az geroztik erasoek 50 herrialderi baino gehiagori eragin diete, eta 2.000 ontzik bide alternatiboak bilatu behar izan dituzte Itsaso Gorria saihesteko, produktuen iritsiera atzeratuz eta garestituz.
"Gure herritarrak eta nazioarteko merkataritzaren zirkulazio askea babesteko neurri osagarriak agintzeko prest nago, beharrezkoa bada", ohartarazi du Bidenek bere oharrean.
Gerra deklarazioa
Lehen bonbardatzeak izan eta gutxira, ohartarazpena egin du Ali al Quhom matxinoen bozeramaileetako batek X sare sozialean: "Estatubatuarrek eta britainiarrek espero dutena baino handiagoa eta krudelagoa izango da borroka. Gerra irekian gaude".
Adierazi duenez, "gogor entzuten ari gara AEBko eta Erresuma Batuko korazatuen kontra. Euren base militarrei egingo diegu eraso, eta hurrengo pausoa harago joango da".
Huthien iturriek baieztatu dute misil balistikoekin eta gurutzaldi-misilak jaurti dituztela.
Yahya Sari huthien operazio militarren bozeramaileak jakinarazi duenez, bonbardatzeetan taldeko bost kide hil eta zazpi zauritu dituzte. "Eraso kriminal hau ez da erantzunik gabe geratuko, zigorra jasoko dute", erantsi du.
Zure interesekoa izan daiteke
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.