Nitrogeno bidezko asfixia, preso bat hiltzeko AEBn gaur lehen aldiz erabiliko duten teknika
Estatu Batuetan izugarrizko oihartzuna izaten ari da Alabamako heriotzaren korridorean dagoen gizon baten kasua. Gaur hilko dute, orain arte preso bat hiltzeko inoiz erabili gabeko teknika baten bidez: nitrogeno bidezko asfixia. Harrabots handia eragin du albisteak, eta giza eskubideen aldeko talde ugari atera dira kalera, prozesua eteteko eskatzera. Nazio Batuen Erakundeko adituek ere uste dute arrisku handiak dituela teknika horrek: ez omen du heriotza berehala eragiten eta oso mingarria omen da.
AEBko hiru estatutan dago, oraingoz, baimenduta nitrogenoa erabiltzea heriotza-zigor kasuetan: Alabaman, Oklahoman eta Mississippin. Injekzio hilgarriak lortzeko arazoak zituztela eta — farmazeutika handi askok uko egin diote injekzioak helburu horrekin saltzeari—, aipatutako estatuetan nitrogeno bidezko asfixia ontzat eman zen.
Kenneth Eugene Smith da gaur hilko duten gizona. 58 urte ditu eta 1989an zigortu zuten heriotzera, emakume bat hiltzeagatik diruaren truke. 2022an injekzio hilgarri bat jarri zioten, baina huts egin zuen teknikak. Prozedurak eta teknikak goitik behera berrikustea eragin zuen horrek.
Gas egoeran dagoen nitrogenoa arnastera behartuko dute, maskara itxi baten bidez, heriotza eragin arte. Gasaren gehieneko pilaketa mailak zenbatekoa izan behar duen zehaztuta dago araudian.
Alabaman 18:00ak direnean (hemen, 00:00ak) izango da exekuzioa. Prestaketa lanak baina duela egun batzuk hasi ziren. Protokoloak dio hil baino egun batzuk lehenago presoak bere ziegatik hilko duten gelaraino egingo duen bidea entseatuko duela.
Zure interesekoa izan daiteke
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".