Israelek eta Hamasek su-eten baterako "oinarriko puntuak" adostu dituzte, iturri palestinarren arabera
Israelek eta Hamas talde islamiarrak su-eten baterako "oinarrizko puntuak" adostu dituztela baieztatu diote EFE berri agentziari iturri palestinarrek eta egipziarrek. Kairon (Egipto) daude elkartuta joan den astetik, eta Qatar, Egipto eta Estatu Batuetako ordezkariak ere ari dira parte hartzen negoziazioetan.
Zabaldutako informazioaren arabera, 40 egun iraungo lituzkeen su-etena legoke adostutako oinarrizko dokumentuan. Tarte horretan, besteak beste, Hamasek iazko urriaren 7tik bahituta dituen 40 israeldar askatuko lituzke (emakumeak, haurrak eta 60 urtetik gorako gizonezkoak), eta Israelek 404 preso palestinar utziko lituzke libre.
Betiere aipatutako iturrien arabera, akordioan legoke, baita ere, Israelgo Armada Gazako Zerrendako hiri nagusietatik erretiratzea, eta horietatik desplazatutako milaka palestinarrei euren eskualdeetara itzultzen uztea. Era berean, oinarrizko puntuen artean egongo litzateke Gazako Zerrendara egunero laguntza humanitarioa daramaten 500 kamioi sartzea.
Ez Hamases ez Israelek ez dute oraindik balizko akordioari buruz ezer jakinarazi.
Bien bitartean, Israelen erasoek ez dute etenik Gazan. Gosetea gerra estrategia bihurtu den honetan, dozenaka zibil hil dituzte azken egunotan Zerrendan izan diren erasotan. Laguntza humanitarioaren zain zeuden edota garraiatzen ari ziren herritarren kontra egiten ari da Israelgo Armada, Palestinako medikuek eta Osasun Ministerioak jakitera eman dutenez.
Gerra hasi zenetik, 30.634 palestinar baino gehiago hil ditu Israelek, Gazako Osasun Ministerioak gaur zabaldutako oharraren arabera.
Zure interesekoa izan daiteke
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.