Israelek Gazako Al Shifa ospitalea setiatu du laugarren aldiz, frankotiratzaileekin eta tankeekin
Israelgo Armadak Gazako Al Shifa ospitalea, zerrendako garrantzitsuena, setiatu du erasoaldia hasi zenetik laugarrenez. Tankeak eta frankotiratzaileak erabili ditu gaur goizaldean erasoa egiteko, eta hildakoak izan dira barruan aterpe hartzen ari diren 30.000 desplazatuen artean, Gazako Osasun Ministerioak jakitera eman duenez.
"Al Shifako ospitalearen inguruan terroristak daudela eta zentroa ekintza terroristetarako erabiliko dutela dioten inteligentziako informazioak jaso ostean, Armada operazio zehatza egiten ari da jarduera terrorista galarazteko eta ospitalean dauden terroristak atxilotzeko", adierazi du Israelgo Armadak.
Gazako Osasun Ministerioak esan du operazioa "gaixoen, zaurituen, desplazatuen eta sendagileen aurkako sarraskia" dela, eta Israelgo Armadak tiro egin duela kirurgia espezializatuak egiten dituen eraikinaren aurka, misilekin apuntatu dutela, eta tankeak eta ibilgailu militarrak sartu dituztela patioan.
"Tragedia bat da, eta nazioarteko lege eta arau guztiak urratzen dituen osasun erakundeen aurkako erasoa", adierazi du Ministerioko bozeramaile batek ospitalearen aurkako laugarren setioaren harira.
Gainera, erasoak sute bat piztu du ospitaleko atean, eta asfixia kasuak izan dira emakume eta haur desplazatuen artean.
Operazioa justifikatzeko froga gisa, Armadak COGATeko (okupatutako lurraldeetan kontu zibilez eta administratiboez arduratzen den erakunde militarra) bitartekari baten eta Al Shifako zuzendariaren arteko elkarrizketa bat zabaldu du, bertan zuzendariak ustez Hamasen "jarduera terroristak" salatzen ditu eta horiek amaitzeko beharra azpimarratzen du.
Gazako ospitale garrantzitsuenaren aurkako laugarren erasoa da gaurkoa. Lehenengoa azaroan izan zen, eta 10 egunez eutsi zion Israelek setioari. Tarte horretan, milaka zauritu eta gaixo ebakuatzeko agindua eman zuen, sendagileak atxilotu zituen, zuzendaria barne, eta Hamasen armak eta abar atzeman zituela adierazi zuen.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.