AEBk aitortu du Israelek nazioarteko zuzenbidea urratu ahal izan duela arma estatubatuarrekin
AEBk ostiralean kaleratutako txosten batean jaso dutenez, Israelek nazioarteko zuzenbidearekin "oso bateragarria ez den eran" erabili ditu arma estatubatuarrak, baina ez du Israeli laguntza militarra ez bidaltzea justifikatuko lukeen informazio nahikorik bildu.
Horixe agertzen da AEBko Estatu Departamentuak Kongresuari ostiralean helarazi zion txosten batean. Dokumentuan ez da esaten Israelek nazioarteko zuzenbidea edo Washingtonek edozein herrialderi armak saltzeko ezartzen dituen arauak urratu dituenik, baina esaten du "kasu batzuetan" nazioarteko zuzenbidearekin "oso bateragarria ez den eran" erabili dituela arma estatubatuarrak, zibilei kalterik ez egiteko "neurri egokienak" hartu gabe, besteak beste.
Txostenaren arabera, Israelek zibilen heriotzak galarazteko "ezagutza, esperientzia eta tresnak" ditu, baina praktikan, biktima kopuru handia ikusita, "zalantza nabarmenak" daude Israelek arma estatubatuarrak "modu eraginkorrenean" erabiltzen ote dituen pentsatzeko.
Dena dela, Estatu Departamentuaren esanetan, ez du "nahikoa informaziorik" Israelek nazioarteko zuzenbidea urratu ote duen zehazteko.
Gainera, Israelek nazioarteko zuzenbidearen ustezko urraketen arduradunak bilatzeko prozesuak abiatu dituela aipatzen da txostenean, eta hori oso garrantzitsua omen da AEBk armak bidaltzen jarraitzeko.
Gazan laguntza humanitarioa sartzea eragotzi ote duen ere ez du argitu txostenak, nahiz eta elikagai gabezia nabaria den Israelgo Armadak 34.000 pertsonatik gora hil dituen eremuan.
NSM-20 izeneko txostena Joe Biden presidenteak eskatuta idatzi dute, eta arma estatubatuarrak jasotzen dituzten herrialde guztiei eskatzen zaie nazioarteko zuzenbidea betetzea eta laguntza humanitarioaren sarrera ez oztopatzea.
AEB da Israelen arma hornitzaile eta aliatu nagusia. 2016 eta 2023 artean, Israelek inportatutako 10 armatik 7 dira estatubatuarrak, Bakea Ikertzeko Stockholmeko Nazioarteko Institutuaren arabera.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".