120 palestinarren gorpuak aurkitu dituzte Jabalian, tropa israeldarrak atera ostean
Gazako agintariek 120 palestinar baino gehiagoren gorpuak berreskuratu dituzte Jabalia hiriko errefuxiatuen kanpalekuko hondakinen artean, Gazako Zerrendaren iparraldean. Israelgo Armadak duela bi egun alde egin zuen bertatik, ia hiru asteko setio militarraren ostean.
Kamal Adwan ospitaleko iturriek baieztatu dute datua. Israelgo indarrek maiatzaren 21ean egin zioten eraso osasun-zentroari, eta ebakuatu egin behar izan zuten, ez baitzegoen lanean jarraitzeko moduan.
Israelgo Armadak gerraren hasieran suntsitutako lehen eremuetako bat izan zen kanpamentua, baina maiatzaren hasieran iturri militarrek esan zuten Hamas berriz biltzen ari zela bertan; beraz, Israelgo tropek berriro hartu zuten hiria.
Operazio militarrak ia hiru aste iraun du eta hamar soldadu israeldar hil dira, The Times of Israel hedabideak egindako zenbaketaren arabera. Gainera, Israelek zazpi bahituren gorpuak berreskuratu ditu bertan.
Militarrek alde egin zutenetik, errefuxiatu palestinarrentzako NBEren agentziak (UNRWA) salatu du milaka herritar hondakinen eta suntsitutako zentroen artean bizitzera behartuta daudela.
36.400 palestinar baino gehiago hil dira Israelek Gazan egindako erasoetan; 60 azken 24 orduetan
Gudan 36.439 palestinar hil dira jada, horien % 70 emakumeak eta haurrak, azken 24 orduetan 60 gehiago hil baitira, Gazako Osasun Ministerioaren arabera.
"Israelen okupazioak lau sarraski egin ditu familien aurka Gazako Zerrendan, 60 hildako eta 220 zauriturekin azken 24 orduetan", jakinarazi du Ministerioak. Ondorioz, ospitaleratutako zaurituen kopurua ere 82.627ra igo da.
Gainera, agintarien ustez, 10.000 gorpu baino gehiago daude hondakinen artean, eta sorosleek eta defentsa zibileko taldeek ezin dituzte berreskuratu, segurtasun edo erregai faltagatik.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.