Kharkiveko egoerari eusteko gai da oraingoz Ukraina, Errusiari erasotzeko jasotako baimenen ondorioen esperoan
Errusiak Kharkiven —herrialdearen iparraldean— emandako aurrerapausoei eusteko gai da oraingoz Ukraina, baina aireko erasoetan nagusi izaten jarraitzen du Moskuk, ukrainarrek dituzten gabeziez baliatuta.
Bitartean, Kievek erabilitako drone leherkor txikiek indarra ematen diote Ukrainari, etsaien erasoak uxatzeko bidean. Dena den, AEBk eta Alemaniak eurek bidalitako armak erabiltzeko emandako baimenak ekarriko dituen ondorioen esperoan daude ukrainarrak.
Bestalde, Errusiak abiatutako erasoaldiaren fokua den eremua —ipar-mendebaldea— "kontrolpean" dute ukrainarrek, Armadako Estatu Nagusiak jakitera eman duenez.
Hain zuzen ere, Jortitsia taldeko bozeramaile Nazar Voloshinek esan du gaur-gaurkoz Vovchansk hiriaren % 70 dutela kontrolpean.
Horren hitzetan, droneak erabakigarriak dira errusiarren erasoak gelditzeko. Esparru horretan, gainera, bere esku du ekoizpena Ukrainak; alegia, ez da aliatuen bidalketen aiduru egon behar.
Hala eta guztiz ere, bi Patriot misil jasotzeko itxaropena du Ukrainak, "Kharkiv babesteko", esan zuen duela gutxi hango presidente Volodimir Zelenskik The Guardian egunkari britainiarrari emandako elkarrizketan, eta armen eta munizioen bidalketa oso motel doala onartu zuen.
Horiek horrela, Errusiako helburu militarrei eraso egiteko jasotako baimenak indarren arteko asimetria murriztuko duela uste du.
Zure interesekoa izan daiteke
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".