Macronek eskerrak eman dizkio Bideni Europako aliatuekiko duen "errespetuagatik eta leialtasunagatik"
Goizean Garaipenaren Arkuan egindako ekitaldiaren ostean, lan-bazkaria egin dute Emmanuel Macron Frantziako presidenteak eta Joe Biden AEBkoak, eta ondorengo prentsaurrekoan, Macronek eskerrak eman dizkio Bideni Europako aliatuekiko duen "errespetuagatik eta leialtasunagatik".
"Eskerrak ematen dizkizut munduko lehen potentziaren presidentea izanda europarrenganako erakusten duzun errespetuagatik", esan dio Macronek Eliseo Jauregian, kazetarien aurrean baina galderarik onartu gabe egin duten agerraldian.
Bi estatuburuek sintonia agertu dute Ukrainako eta Gazako gatazken inguruan, baita Txinarekiko desberdintasun komertzialen inguruan ere.
Bide batez, amaitutzat eman dute 2021ean bi herrialdeen artean piztu zen gatazka diplomatikoa, AEBk Australiarekin itsaspeko nuklearren kontratu bat sinatu zuenean, hark aurrez Frantziarekin egina zuena ezeztatuz.
Bidenek Donald Trump errepublikanoarekin lehia bizia du une honetan, azaroan izango diren hauteskundeen harira, eta bere herrialdeak Europa babesten izan dezakeen papera nabarmendu du, Trumpek ezarri zuen distantziatik ezberdinduz.
"Putin ez da Ukrainan geldituko. Europa osoa mehatxatuko du, eta hori ez dugu onartuko. Estatu Batuak Ukrainarekin egongo dira, gure aliatuekin batera, Frantziarekin batera", adierazi du buruzagi estatubatuarrak.
Bestalde, Macron eta Biden pozik agertu dira Hamasek urriaren 7an bahitutako lau pertsona askatu dituztelako, eta, era berean, ados agertu dira "Iranek Israel mehatxatzeari uzteko eta eskualdea ezegonkortzeari uzteko beharrezko presioa" egitearekin.
Agerraldiaren ostean, bi buruzagiek negozio bilera izan dute, eta eguna gala-afariarekin amaituko dute.
Bidenek eta bere emazteak Frantziara egin duten Estatu bisitaren lehen ekitaldia Macronekin eta haren emaztearekin Garaipenaren Arku ikonikoan egindako zeremonia izan da goizean.
Ekitaldian, Macronek eta Bidenek "soldadu ezezaguna" omentzeko sugarra piztu dute. Lehen Mundu Gerran (1914-1918) hildako soldadu frantziarrak omentzen ditu oroigarriak.
Aldebiko topaketa ofiziala larunbat honetan egin duten arren, buruzagi estatubatuarra asteazkenean, ekainaren 5ean, iritsi zen Frantziara, Normandiako Lehorreratzearen 80. urteurrenaren ekitaldietan parte hartzeko.
Bidenek igandean amaituko du Frantziako bidaia, Aisne-Marne hilerrian, ipar-ekialdean, lore-eskaintza bat eginez. Bertan daude Lehen Mundu Gerran hildako 2.300 soldaduren hilobiak.
Albiste gehiago mundua
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, gerra komertziala hauspotu da
Gaurtik, oro har, % 15eko muga-zergak ezarriko zaizkiei Estatu Batuen merkataritza-bazkide gehienei, tartean, Europar Batasunari.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute ikaragarri batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.