Bidenek baztertu egin du hautagaitzari uko egitea, eta "Ahalguztidunak eskatuta" soilik egingo luke
Joe Bidenek bart eman duen elkarrizketa batean esan du "Ahalguztidunak" eskatuta soilik egingo liokeela uko presidentegai izateari.
"Ahalguztidunak presidentetzarako hautagaitzari uko egiteko esango balit, utzi egingo nukeen, baina ez da gertatuko", adierazi du Bidenek ABCk emititu duen elkarrizketa grabatuan. Ikusmin handia sortu du elkarrizketak aurreko astean Donald Trump hautagai errepublikanoarekin izandako eztabaidan egurra jaso ostean.
Chuck Schumer AEBko Senatuko gehiengoaren buruak eta Nancy Pelosi Ordezkarien Ganberako demokraten buruak Bidenen gaitasunen inguruan zalantza agertuko balute zer egingo lukeen galdetu dio George Stephanopoulos kazetariak, eta horrela erantzun dio.
Bidenek baztertu egin du halakorik gertatzea, eta "balizko" egoerak direla azpimarratu du.
Etxe Zurirako berriro hautatuz gero hurrengo agintaldian 85 urte beteko lituzkeen hautagaiak adierazi duenez, "ez dut uste nik baino gaitasun gehiago duen pertsonarik dagoenik presidente izateko eta hauteskunde lehia hau irabazteko".
Ekainaren 27an Trumpekin hauteskunde eztabaida izan zuenetik jomugan dagoen arren, Bidenek errefusatu egin du mediku azterketa independentea egitea hautesleek osasun egoera onean dagoela egiazta dezaten.
"Egunero daukat adimen proba bat. Egunero ditut probak egiten dudan guztian", erantzun du Bidenek.
Mark R. Warner Virginiako senatari demokrata alderdiko senatariak biltzen saiatzen ari da Bideni hautagaitzari uko egin diezaion eskatzeko.
Redd Hastings Netflixen sortzaile eta dohaintza-emaile handienetakoa denak ere alde batera egiteko eskatu dio Bideni, "buruzagi demokrata indartsu batek Trump garaitu dezan".
Zure interesekoa izan daiteke
Gerrari amaiera emateko, Iranen planaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBkin gerraren amaiera negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira, eta giza-kateak osatu dituzte zentral elektriko eta zubietan. Irango banderak, erresistentziarako aldarriak eta liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.