Trumpek, oldarkor eta konfiantzaz, Biden zalantzati baten aurka egin du eztabaida erabakigarri batean
AEBko hauteskundeen atarian eztabaida erabakigarria izan dute Joe Biden AEBko presidenteak eta Donald Trump hautagai errepublikanoak. Trump oldarkor agertu da eta Bidenek arazoak izan ditu mezuak lotzeko. Gainera, zalantzati eta ahotsean arazoak zituela agertu da.
CNNk Atlantan duen plato batean izan da eztabaida. Ez da publikorik egon, ezin izan dute oharrik erabili eta ez dute aholkularien laguntzarik izan. Gainera, txanda esleituta izan ezean, ez dute erreplikarako aukerarik izan. Hautagai bakoitzaren indarguneak eta ahuleziak azaltzeko balio izan du eztabaidak.
Zalantzati agertu da behin baino gehiagotan Biden. Presidenteak gripea du eta Trumpek iseka egin dio zehaztasunik gabe hitz egin duenean edo esaldiak amaitu gabe utzi dituenean.
"Inoiz ez dut hainbeste tontakeria entzun", esan du AEBko presidenteak Trump kanpo politikari buruz hitz egiten entzun duenean. Hautagai errepublikanoa kexu agertu da demokratak agintean daudenetik AEBren ospea "ikaragarria" izatera igaro delako. Politika ekonomikoan ere eraso egin dio errepublikanoak Bideni, baina moderatzaileek ekonomiari edo migrazioari buruz galdetu dienean zehaztasunik gabe erantzun dio.
Oraindik "gauzak egiteke" daudela onartu du Bidenek eta egindako kudeaketa ekonomikoa eta migratzailea defendatu ditu. "Pandemian horren gaizki egin zen jende asko hil zela; ekonomia kolapsatu egin zen eta langabezia tasak % 15 egin zuen gora. Gauzak berriz ere osatu behar izan genituen", esan du.
81 urte ditu Bidenek eta haren adina hizpide izan da eztabaidan. "Ez du presidente izateko gaitasunik. Ez genuke eztabaidarik izan behar. Ez dago ezer eztabaidatzeko", kritikatu du Trumpek.
Ez da proposamen berriak entzun diren eztabaida izan, etengabeko erasoak nagusi izan diren ring bat baizik.
Zure interesekoa izan daiteke
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Munduko fabrika izatetik, Txina lider teknologikoetako bat izatera igaro da, eta etengabe hazten ari da
Txina Irango eta Golkoko beste herrialde batzuetako petrolio eta gas inportatzaile handia da. Hala ere, bere erreserbak maximo historikoetan daude, eta auto elektrikoaren eta energia berriztagarrien aldeko apustuari esker, gerrak ez dio gehiegi eragin, momentuz. Horrela, Iran bazkide estrategikoa den arren, Txina erantzun diplomatikoa ematera mugatzen ari da, bere estrategia epe luzerakoa baita.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, eta Irango portuetara joandako eta handik irtendako ontziak geldiarazi ditu.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.