37 hildako Gazan 24 orduan Israelen bonbardaketen ondorioz, tartean kazetari bat eta bere familia
Gutxienez 37 pertsona hil ditu Israelek Gazan azken 24 orduetan egindako erasoetan eta beste 54 zauritu ditu, Zerrendako Osasun Ministerioaren azken datuen arabera. Azken egunekoekin, 38.919 dira jada urriaren 7an hasitako erasoaldian hildako gazatarrak, haurrak eta emakumeak gehienak.
Gainera, 89.622 pertsona zauritu dira hilabeteotan. Zenbaki ofizialetan sartzen ez diren arren, 10.000 gorpu inguru daude hondakinen artean, erreskatatu ezinezko tokietan, aurreikuspenen arabera.
Gazako Gobernuak jakitera eman duenez, Mohamed Abu Jasser kazetaria hil dute bart, emaztearekin eta bi seme-alabekin batera, Israelek Jabalia hirian kazetariaren etxearen kontra egindako bonbardaketan. Jasser ere zenbatuta, 161 dira jada Israelek urriaren 7tik hil dituen kazetariak.
Gaur goizean, Zerrenda osoan zehar izan dira Israelen erasoak, baina, batez ere iparraldean; izan ere, Armadak erasoaldi handia egiten jarraitzen du Gaza Hirian, Israelek uste baitu han berrantolatzen ari direla milizianoak.
Bestetik, Wafa albiste-agentzia palestinarrak jakitera eman duenez, "okupazioaren hegazkinek Al Sabbagh familiaren etxea bonbardatu du Al Zarqa inguruan, Gaza Hiriaren iparraldean, eta bi herritar hil eta beste batzuk zauritu ditu".
Gazako herritarrek erasoak pairatzen jarraitzen duten bitartean, Israelek eta Hamasek su-etena negoziatzen jarraitzen dute, Kairon eta Dohan, preso palestinarrak eta bahituak trukatu ahal izateko.
Era berean, ez dirudi Hagako Nazioarteko Justizia Auzitegiak ostiralean igorritako iritziak eraginik izan duenik Israelengan. Hagak, hain zuzen ere, iritzi aholku-emailea eman du esanez Israelek lurralde palestinarretan (Gazako Zerrendan barne) dituen kokalekuak eta "etengabeko presentzia" legez kanpokoak direla eta okupazio horrekin "ahalik eta azkarren" amaitu behar dela.
Umezurtz, jaio aurretik
Nuseirateko Al Awda Ospitaleko osasun langileek Israelgo hegazkinek egindako bonbardaketa batean hildako emakume haurdun baten haurra salbatu dute gaur.
Sei hilabeteko haurdun zegoen amaren gorpua lehen orduan heldu da ospitalera, Israelek haren etxea bonbardatu ostean. Ebakuntza-gela batean berehala sartu dute, eta zesarea egin diote. Haurtxoa bizirik atera dute, inkubagailu batean jarri dute eta egonkor dago.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".