Ismail Haniyeh Hamaseko burua hil dute Teheranen, Israelek egindako eraso batean
Ismail Haniye Hamas talde islamiarreko burua hil dute Teheranen, Israelek egindako eraso batean. Bisita ofizialean zegoen Haniye Irango hiriburuan; Masud Pezeshikian herrialde horretako presidente berriaren inbestidura saiora joana zen. Haniyeren bizkarzain bat ere hil da atentatuan. Israelek jada aitortu du egiletza, eta "eraso zehatz" bat izan dela ziurtatu du, baina gero mezua ezabatu du.
Hamaseko buruzagi politikoaren gorpua bihar, osteguna, eramango dute Teheranetik Dohara, eta ostiralean hileta-elizkizuna egingo dute bertan, Lusailera (Qatar) behin betiko eraman aurretik. Dohara eraman aurretik, goizean, "hileta herrikoi eta ofiziala" egingo dute Irango hiriburuan, talde islamistak ohar batean iragarri duenez. Dohako ekitaldira, berriz, buruzagi arabiarrak eta islamiarrak joango direla esan du Hamasek, baina ez du zehaztu nortzuk izango diren bertan.
Goizaldean igorritako agiri batean, Hamasek bere buruzagiaren heriotza baieztatu du, eta jarraitzaileei esan die "Alaren ondoan bizirik" jarraituko duela. Halaber, hilketa hau erantzunik gabe ez dela geratuko ziurtatu du.
Qatarren bizi zen Haniyeh, exiliatuta. 2017tik Hamas taldearen arduradun politiko nagusia zen. Joan den apirilean, haren hiru seme eta zenbait biloba hil zituen Israelek, Gazan egindako eraso batean.
Bestalde, Hezbollah talde xiita libanoarrak jakinarazi du bere komandante Fuad Shukr, atzo, Israelek Beirut kanpoaldean bonbardatutako eraikinean zegoela. Nolanahi ere, oraindik haren heriotza ez dute baieztatu. "Erasoaren unean, Fuad Shuksr gure anaia handia eraikinaren barruan zegoen", dio Hezbollahk zabaldutako oharrak.
Azken egunotan, Israelek Shukr jo du Majdal Shamsen izandako erasoaren erantzule. Joan den larunbatean, 12 adin txikiko hil zituzten, Israelek okupatuta dituen Golango Gainetako lurretan izandako atentatuan.
Iazko urriaren 7an Hamasek Israelen kontrako erasoa egin zuenean lehertu zen gerra; 1.200 israeldar hil eta 250 bahitu zituen talde armatuak. Ordutik, Israelen erasoek ez dute etenik; 39.400 palestinar baino gehiago hil ditu Gazako Zerrendan.
Azken hilabeteotan, gainera, gerra zabaltzen ari da, eta Erresistentziaren Ardatza delakoa osatzen duten beste talde batzuk batu dira, Israelen erasoei aurre egiteko; tartean, Libanoko Hezbollah eta Yemengo milizia huthiak.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.