Zelenskik uste du posible dela konponbidea aurkitzea "bide diplomatikotik, Errusiak hala nahi badu"
Volodimir Zelenski Ukrainako presidentearen ustez, bere herrialdearen lurralde-osotasunaren auzia ez da nahitaez "armen bidez bakarrik" konpondu behar, baizik eta irtenbideak ere aurki daitezke "bide diplomatikotik, Errusiak hala nahi badu".
Frantziako lau hedabidek (Liberation, Le Monde eta L 'Equipe egunkariak eta AFP albiste-agentzia) gaur argitaratutako elkarrizketa batean, agintariak azpimarratu du Ukrainak ez diela inoiz uko egingo bere lurraldeei, eta bere Gobernuak ez duela horretarako eskumenik, Konstituzioaren aurka doalako.
"Hori gerta dadin, Ukrainako herriak nahi izan behar du", onartu du. Gainera, lurrak lagatzea garaipena litzateke Vladimir Putinentzat, bere iritziz, eta gatazka izozten bada ere, etorkizunean Errusiako presidenteak berriro eraso egin dezakeela ohatarazi du.
Hala eta guztiz ere, Zelenskik bide diplomatikoan sakontzearen alde egin du, eta azaroan bakeari buruz egingo den bigarren goi-bileran "Errusiako ordezkariek parte hartu behar dutela" esan du.
Errusiak Donbassen emandako azken aurrerapausoengatik galdetuta, Zelenskik, lehenik eta behin, Ukrainako Armadaren baliabide faltari egotzi dio, eta, bigarrenik, errusiarrak "atzera egiteko beldur" direla, badakitelako hori eginez gero "hil" egingo dituztela nabarmendu du.
Mendebaldeko aliatuek bidalitako armak "beharrezkotzat jotzen dugun moduan" ezin erabiltzeari ere leporatu dio.
Ukrainako presidenteak onartu du egoera "zaila" dela ekialdeko fronte osoan; izan ere, Errusiak Kharkiv hartzeko saiakeran porrot egin zuenetik, bere helburu nagusia aldatu egin da, bere ahaleginak ekialdean pilatzeko, bereziki Sloviansk, Pokrovsk, Kostiantynivka eta Toretsk hirietan.
Nazioarteko babesei dagokienez, Zelenskik onartu du Ameriketako Estatu Batuak, presidentetzarako hauteskundeak jomugan, erronka bat direla. Bere Gobernuak Donald Trumpekin hitz egin duela eta agintaria errepublikanoa "iraganean arduratsu" mintzatu zela azpimarratu du, baina ez dakite zer gertatuko den AEBko hauteskunde presidentzialen ostean.
Txinari dagokionez, Asiako erraldoiak bitartekaritza lana ez egitea nahiko lukeela adierazi du, Errusiari "presioa" egitea baizik.
Zure interesekoa izan daiteke
Rafahko pasabidea oso modu mugatuan irekitzeko prestaketa lanetan dabil Israel
Gazako Zerrenda eta Egipto lotzen dituen pasabidea gaur zabalduko zutela iragarri arren, Israelgo Gobernuak zehaztu du "atariko prestaketen fase pilotu" bat egiten ari direla, eta palestinarrak ezin direla oraindik bertatik igaro. Gazako Osasun Ministerioak ere esan du ez duela OMEren baimenik jaso. 150 gazatar daude Zerrendatik ateratzeko zain.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.