Mpox edo tximino-baztangaren aldaera larrienaren lehen kasua atzeman dute Afrikatik kanpo, Suedian
Suediako agintariek baieztatu dutenez, mpox edo tximino-baztangaren aldaera larrienaren lehen kasua atzeman dute. Europan baieztatutako aurrenekoa da, Afrikako kontinentetik kanpoko lehena. Hain justu, aldaera horren kutsatze mailarekin arduratuta, nazioarteko osasun-larrialdia ezarri du berriki Munduko Osasun Erakundeak (MOE).
"Clado 1 izeneko aldaeraren kasu bat dugu Suedian. Zinez arduratzen gaitu", adierazi du Jakob Forssmed Suediako Osasun eta Gizarte Gaietako ministroak prentsaurrekoan.
Agian zure interesekoa da: Zer da tximino-baztanga?
Olivia Wigzell Suediako Osasun eta Ongizatearen Batzorde Nazionaleko zuzendari nagusiaren hitzetan, Afrikatik kanpo atzematen den lehen kasu positiboa da. Gaixoa Afrikan egon berri da, aldaera hori zabalduta dagoen eremu batean, eta han kutsatu omen da.
"Eria hemen artatzeak ez du esan nahi herritarrentzako arriskutsua denik", zehaztu du, eta gogora ekarri du Infekzioei aurre egiteko Europako Agentziak esana duela gaixotasun hori zabaltzeko aukera "txikiak" direla.
MOEren arabera, aldaera berria Europara iristeak argi erakusten du gaixotasun horren hedapena geldiarazteko nazioartearen erantzun bateratua beharko dela.
Tedros Adhanom Ghebreyesus zuzendari nagusiak adierazi duenez, "Suedian mpox gaitzaren Clade 1 aldaera agertzeak erakusten du birusari elkarrekin heldu behar diogula". Herrialde guztiak bultzatu ditu zaintza hobetzera, datuak partekatzera, transmisioa hobeto ulertzeko lan egitera eta dituzten txertoak partekatzera.
Era berean, Margaret Harris bozeramaileak ohartarazi du ez dela izua zabaldu behar, erupziorik ez duen pertsona kutsatu bati eskua ematearekin soilik kutsatutako kasuak direla zabaldu baita.
"Horrelako adibide alarmistak ditugu, baina hori oso gertuko kontaktu baten bidez kutsatzen da, etxeetan ikusten dugu, ametatik umeetara, sexu-harremanak izanda edo kutsatutako norbaiten izara edo arropa bidez", azaldu du. Hori gertatzen da "babak agerikoak direnean eta horietan likidoa dagoenean", zehaztu du.
Kongoko Errepublika Demokratikoan tximino-baztangaren agerraldia izan eta hurbileko beste herrialde batzuetara zabaldu ondoren ezarri da osasun-larrialdia. Bigarren aldaeraren larritasunaz gain, "oso kezkagarria" da, MOEren ustez, gaitza inoiz kasurik izan ez den herrialdeetara zabaldu izana, Ugandara, Ruandara, Burundira eta Kenyara, esaterako.
Hiru kasu Pakistanen
Pakistango osasun-agintariek hiru kasuren berri eman dute. Nazioarteko osasun-larrialdia deklaratu zenetik Asian ezagutzen diren lehenengoak dira. Arabiar Emirerri Batuetatik etorri ziren hirurak, eta berrogeialdian daude.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.