Nasrala (Hezbollah): "Operazio honetan muga eta marra gorri guztiak gainditu ditu etsaiak"
Hasan Nasrala Hezbollah Libanoko alderdi xiitaren buruzagiak "aurrekaririk gabeko sarraskia" eragitea leporatu dio Israeli, azken egunotan ehunka komunikazio dispositibo zartarazi baititu, eta gutxienez 37 pertsona hil eta ia 3.000 zauritu. Erasoen ostean, Libano "indartsuago" egiten ari dela ziurtatu du, eta "okerrenerako prestatzen" ari dela.
Hezbollahko agintari gorenak hitzaldia eman du ostegun honetan, eta Israeli leporatu dio erasoak egin izana, nahiz eta Israelgo agintariek ez duten horri buruzko adierazpenik egin, eta "arau guztiak haustea" eta "marra gorri guztiak gainditzea" leporatu dio.
Nasralak azpimarratu duenez, ez ziren Hezbollahko kideak komunikazio gailuak (bai bilatzaileak eta bai walkie-talkieak) zeramatzaten guztiak, "gizarteko hainbat geruzatan oso hedatuta dauden" gailuak dira (horien erabilera oso ohikoa da oraindik telefonia edo Internet modu egongorrean eskuragarri ez dagoen tokietan, Libanon, besteak beste). Horregatik, ospitaleetan, merkatuetan edo bide publikoan zeuden zibilak ere harrapatu zituzten leherketek.
"Bi egunetan, eta bakoitzean minutu bakar baten buruan, Israel 5000 pertsona baino gehiago hiltzen saiatu da", salatu du Nasralak, eta azaldu duenez, Hezbollahk ikerketak abiatu ditu, erantzukizunak ebazteko eta gailuak leherrarazi zituen lehergaiak fabrikatzeko, garraiatzeko, prozesatzeko edo banatzeko enpresak zeintzuk izan ziren jakiteko.
"Bai, kolpe gogorra eta latza jaso dugu", onartu du Hezbollahko buruzagiak, baina, dioenez, Libanoko herritarrak "ez dira eroriko (...) indartsuago egingo dira eta okerrenerako prestatuko dira". Israelgo Armadak Libanoren aurkako erasoak egin eta agintari militarrek ondoko herrialdearen aurkako eraso-plana onartu dutenean iritsi dira hitzok.
Libanoko alderdi-miliziaren buruzagiak onartu du jasandako kolpea "garrantzitsua eta aurrekaririk gabekoa" dela, baina azpimarratu du Israelek "errepresio eta zigor bidezkoak" jasoko dituela, izan erasoak espero dituzten posizioetan, izan Israelgo agintariek Hezbollahren balizko erasorik susmatzen ez duten beste puntu batzuetan. "Zigorra iritsiko da. Noiz, non, nola? Unea iristen denean jakingo duzu", baieztatu du, Israeli zuzenduz.
Era berean, ziurtatu du Hezbollah ez dela geldituko "Gazako gerra amaitu arte". "Ia hamabi hilabete daramatzagu hau esaten. Sarraskiak, zaurituak eta sakrifizioak gorabehera, irmo diot: Oztopoak eta sakrifizioak direnak direla ere, Libanoko erresistentziak ez dio Gaza, Zisjordania eta Palestinari babesa emateari utziko", azpimarratu buruzagiak.
Zure interesekoa izan daiteke
Rafahko pasabidea bihar zabalduko dute, Israelek zehaztu duenez
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira mugatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.