Hamabi hildako eta 1.800 zauritu Libanon, Hezbollahko kideen ehunka gailu elektronikoen eztandek eraginda
Gutxienez hamabi pertsona hil dira eta 1.800 baino gehiago zauritu Libanon, aurrekaririk gabeko eraso batean. Izan ere, Hezbollahko kideek zituzten ehunka gailu elektronikok (pertsona-bilagailuak, antza) eztanda egin dute aldi berean.
Herrialde horretako agintarien lehen informazioen arabera, baliteke Israelek gailuak urrutitik manipulatu izana, eta horiek leherraraztea lortu izana.
_______________________________________
Zure interesekoa izan daiteke: Zer dakigu Libanoko erasoari buruz eta nola izan da posible gailuen manipulazioa?
___________________________________
Hala baieztatu du Firas Abiad Libanoko Osasun ministroak L 'Orient-Le Jour egunkarian. Lehentxeago, herrialdeko agintariek onartu dute egoera "premiazkoa" dela, "zaurituen kopuru handiagatik, dirudienez dispositiboen leherketa masiboa izan delako". Gainera, horrelako aparatuak dituzten herritarrei horietatik urruntzeko eskatu die.
Lehen informazioen arabera, baliteke Israelek gailu horiek manipulatu izana, ondoren urrutitik lehertzea lortzeko, Hezbollahko kideen eskuetan. Sare sozialetan bideoak bolo-bolo dabiltza, kalean eta dendetan pertsonen poltsikoan eztanda egiten duten dispositiboen irudiekin.
Libanoko Gurutze Gorriak iragarri duenez, 30 anbulantzia baino gehiago artatzen ari dira Libano hegoaldean izan diren "leherketa ugari", eta beste 50 Beiruten eta inguruetan.
Dispositiboak Libanora "duela gutxi" iritsi den kargamentu baten parte ziren, Johanny Corn herrialdeko Telekomunikazio ministroak azaldu duenez.
Ministroak adierazi duenez, bateriak berotu egin ziren, eta, ondorioz, pertsona batzuek "gailuaren tenperatura (igoera) sentitu eta bota egin zuten", lehertu baino lehen.
"Agian urrutitik aktibatu zituzten, baina ez dakigu nola", gaineratu du Cornek, eta esan du litekeena dela dispositibo horiek Libanora helburu horrekin sartzea.
Bitartean, Israelgo agintariak isilik daude. Ohikoa da Israelgo buruzagiek isiltasun politika mantentzea horrelakoak gertatzen direnean. Herrialdeak ez du inoiz onartu Ismail Haniyeh Hamaseko buruzagi politikoaren hilketa Teheranen, Iranek Israeli egotzi zion eraso batean.
Benjamin Netanyahu Israelgo lehen ministroaren bozeramaile ohi eta aholkulari batek X sare sozialeko mezu batean aditzera eman du Israel zegoela erasoen atzean, baina Netanyahuren bulegoa haren hitzetatik aldendu da, eta nabarmendu du adierazpen horien arduradunak, Topaz Luk aholkulariak, hilabeteak daramatzala bozeramaile kargutik kenduta.
Israelgo prentsaren arabera, agintari militarrek alerta egoeran mantentzeko esan diete iparraldeko eskualdeei, baina biztanleentzako jarraibideak ez dira aldatu.
Ondorioak Sirian eta Iranen
Erasoak Mojtaba Amani Irango Libanoko enbaxadoreari eragin dio, enbaxadak berak sare sozialetan baieztatu duenez. Argitu duenez, enbaxadoreak ez du zauri larririk, baina Amani biktimen artean egoteak Israelen eta Iranen arteko tentsioak areagotuko ditu.
Sirian, Hezbollahko miliziano ugari zaurituta ospitaleratu dituzte hainbat tokitan, besteak beste, Damaskon, Giza Eskubideen Siriako Behatokiaren arabera. Hezbollah Bashar al-Assaden erregimenaren aliatu garrantzitsua da, eta Israelen erasoak jasan ditu Sirian.
Zure interesekoa izan daiteke
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.
Istiluak Erresuma Batuan, ultraeskuindarrek migrazioaren aurka egindako manifestazioetan
Liskarrak izan dira bart Portsmouthen migrazioaren kontrako manifestari ultraeskuindarren eta poliziaren artean eta hainbat agente zauritu dira. Larunbatean eskuin muturreko ehunka kaputxadunek Doverreko portua blokeatu zuten, Mantxako kanaletik ontzi batean iritsitako 140 migratzaileren lekualdatzea saihesteko. Gobernu britainiarrak eta alderdi politiko guztiek manifestazioak salatu dituzte.
Europako liderrek kezkaz hartu dute AfDren garaipena: "Mehatxua da Europarentzat"
AfDk Alemaniako eskualde batean bakarrik gobernatzeko gehiengo absolutua lortu ez bazuen ere, emaitza errekorra lortu zuen igande honetan, botoen % 43,8 eskuratuta, Friedrich Merz kantzilerraren alderdiaren aurretik ( % 17,2).
Aramburu errugbi jokalari ohiari tiro egin zion akusatu nagusiak heriotzaren egilea dela aitortu du
Astelehen honetan hasi den epaiketan, akusazioak "premeditazioa" frogatu nahi du, ez zela homizidioa izan, erailketa baizik.
Milaka serbiar bildu dira Belgraden Mladicen hiletarako, EBren ohartarazpenak gorabehera
Ehunka lagun hurbildu dira Belgraden gerra-kriminal Ratko Mladicen hil-kaperara, hileta ospatu aurretik. Mladic abuztuaren 27an hil zen, 84 urte zituela, Hagako kartzela batean bizi osorako espetxe-zigorra betetzen ari zela. "Bosniako harakina" ezizenez ezaguna, Mladic 2017an kondenatu zuten genozidioagatik, gerra-krimenengatik eta gizateriaren aurkako krimenengatik, Jugoslavia ohian 1992tik 1995era bitartean izandako gerretan. Europar Batasunak Serbiari ohartarazi dio Ratko Mladici ohoreak egiteak edo hura goratzeak arrisku larrian jartzen duela EBn sartzeko prozesua.
Ormuzko itsasartean beste eremu mugatu bat ezarriko duela iragarri du Iranek
Teheranek ohartarazi duenez, bertatik bere baimenik gabe igarotzen diren ontziak zigortu egingo ditu. AEBk dioenaren kontrara, itsasartea erabat itxita dagoela azpimarratu du Iranek.
Kushner eta Witkoffek Kievera egindako lehen bisitak ez du urratsik ekarri bakerako bidean
AEBk, Ukrainak eta Europako bazkideek adostu dute datozen asteetan bilera gehiago egitea eta neguari begira Ukrainari laguntza indartzea. Lehentasunen artean daude aire-defentsarako sistema gehiago, energia-sektorerako laguntza eta hornidura osagarriak.
Susan Sarandonek salatu du hainbat zinema proiektutatik kanpo utzi dutela Israel kritikatzeagatik
Bere azken filma aurkezten ari zela, Palestinaren defentsa publikoarengatik ondoriorik bizi izan ote duen galdetu diote aktore estatubatuarrari Mostran, eta zenbaitek betatu egin dutela onartu du.
AfD ultraeskuindarrak garaipen zabala lortu du Saxonia-Anhalten, eta gehiengo osoaren atarian geratu da
Litekeena da Sahra Wagenknecht Aliantzaren (BSW) abstentzioa nahikoa izatea Alemanian alderdi ultra batek estatu batean berriro agintea hartzeko.