Abbasek nazioarteri eskatu dio utz diezaiola Israeli armak saltzeari: "Mundu osoarena da ardura"
Mahmud Abbas Palestinako presidenteak ostegun honetan adierazi duenez, "mundu osoa da Gazan eta Zisjordanian gertatzen denaren erantzulea", eta Israeli armak saltzeari uztea eskatu du.
"Gelditu genozidioa. Utzi Israeli armak saltzeari. Erokeria honek ezin du jarraitu", esan du Abbasek NBEren Batzar Nagusian, Gazako gerra hasi zenetik ia urtebete bete denean.
Txalo artean, inoiz gutxi gertatzen den gisan sartu da Palestinako presidentea aretora. Bere hitzartzea probestu du AEB kritikatzeko "munduko demokraziarik handiena omen dena", Gazan su-etena eskatzen zuten Segurtasun Kontseiluaren hiru ebazpenei betoa jartzeagatik.
"AEB bakarrik geratu zen, eta esan zuen: 'Ez, jarrai dezala borrokak'. Betoa erabili ez ezik, milaka zibil hil zituzten arma hilgarriak eman zizkion Israeli", esan du, Washingtongo Gobernuari, Israelen aliatu nagusiari, egindako kritika zorrotz bezain ezohikoan.
Abbasek iragarri duenez, gainera, Israel Nazio Batuetatik kanporatzeko esku hartu dezala eskatuko dio NBEren Batzar Nagusiari, argudiatuz Israelek 1949tik daramala Nazio Batuen beraren ebazpenak urratzen.
Bestalde, Abbasek hamabi puntuko plan bat aurkeztu du Gazako gerraosterako: "palestinarrentzako nazioarteko babesa" eskatzea, hauteskundeak laster egitea (datarik ez du eman) eta Palestinako Agintaritza Zisjordaniako eta Gazako bi lurraldeetara zabaltzea (Hamasek gobernatzen du bigarren horretan).
NBEk babestutako nazioarteko konferentzia bat ere eskatu du, Israelgo eta Palestinako bi estatuen irtenbidea ezartzeko, eta Gazako lurraldera egingo duen hurrengo bisitaren berri eman du. Horretarako, nazioarteari eta NBEri berari eskatu dio "Gobernu okupatzaileari presioa egiteko, ekimen hori ez dadin eragotzia izan".
Hitzaldiaren amaieran, ikusleen artean zeuden bi palestinar "Free Free Palestine" (Palestina askatu) eta "From the river to the sea" (Ibaitik itsasoraino) oihukatzen hasi dira.
5.000 milioi dolar gehiago Israelentzat
AEBk 5.000 milioi dolar gehiago emango dizkio Israeli laguntza militarrean, Israelgo Defentsa Ministerioak ostegun honetan iragarri duenez. Zehazki, laguntza berriak Burdinazko Kupularen eta Daviden Hondaren (David 's Sling) sistemak indartzea ahalbidetuko du, Israelek irismen labur eta luzeko misilak atzeman eta "laser bidezko defentsa-sistema" berri bat martxan jar dezan, Defentsa Ministerioaren ohar baten arabera.
2019an 10 urterako sinatutako akordioaren arabera, AEBk urtero 3.000 dolar ematen dizkio Israeli. Horiei gehituko zaizkie orain beste 5.000 milioi dolar hauek.
Beste eraso bat eskolei
Gutxienez 15 pertsona, haurrak barne, hil dituzte ostegun honetan Israelek eskola baten aurka egindako enegarren erasoan. Oraingoan, erasoa Yabaliako errefuxiatuen kanpalekuan izan da, Gazako Zerrendaren iparraldean, Faluyako eskolari ere eraso egin eta gutxira.
Armadak ziurtatu duenez, Gazan kokatutako "komando-zentro" batetik operatzen zuten miliziano talde baten aurka egin du erasoa, eta, Gazan azpiegitura zibila erasotzen duen guztietan bezala, Hamas talde islamistari leporatu dio horrelako egiturak ezkutaleku gisa erabiltzea.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.