Libanon lurreko inbasioa hastear dagoela jakinarazi dio Israelek AEBri
Libano hegoaldean Hezbollahren azpiegituraren aurka "helburu zehatzeko lurreko operazioak" egiteko asmoa duela jakinarazi dio Israelek Estatu Batuei.
"Lurreko operazioei buruzko txosten batzuk ikusi ditut. Elkarrizketa batzuk izan ditut israeldarrekin. Mugatutako operazioak direla esan digute, Hezbollahren azpiegiturari eraso egiteko, mugatik gertu ", azaldu du Matthew Miller AEBko Estatu Departamentuko bozeramaileak prentsaurreko batean.
Millerrek esan du Israeli dagokiola erasoen inguruko xehetasun gehiago ematea.
Ildo berean, The Washington Post egunkariak zabaldu duenez, Israel prestatzen ari den operazio militarraren helburua talde xiitak Israelgo iparraldeko herriei erasotzeko erabiltzen dituen kohete-jaurtigailuak suntsitzea da.
Israelgo Armadak "eremu militar itxi" izendatu ditu astelehen honetan Libanoko mugatik kilometro gutxira dauden hainbat komunitate, eta debekatu egin du bertan sartzea.
Metula, Misgav Am eta Kfar Giladi komunitateak dira "eremu militar itxi" izendatu dituztenak. Metula, mugatik sei bat kilometrora, eta Misgav Am eta Kfar Giladi kibutzak, are hurbilago, ebakuatuta daude duela ia urtebetetik, Gazako gerra hasi zenetik. 60.000 lagun inguru bizi ziren eta une honetan ikastetxeak, etxeak eta etxaldeak abandonatuta daude.
Komunitate horietan, "autodefentsa" komunitarioko taldeak baino ez dira geratzen, Armadako erreserbistek osatutakoak.
Israelek artilleria bidez bonbardatu du Libanoko Wazzani herria
Arratsaldeko azken orduan jakin da Israelek, artilleria erabiliz, bonbardaketa gogor bat egin duela Libanoko Wazzani herrian, Israelgo Defentsa Indarrek "itxitako eremu militar" izendatutako eskualdetik oso gertu.
Israelek obusak jaurti ditu Marjayun barrutiko Wazzani eta Jiam eremuetan, lekukoek Libanoko L' Orient-Le Jour egunkariari adierazi diotenez.
EB, AEB eta NBE
Krisiaren aurrean, Antony Blinken AEBko Estatu idazkariak "diplomaziak jarraitzen duela bide bakarra eta onena izaten" aldakatu du. Ekialde Hurbileko gatazka konpontzeko "diplomazia dela bidea" esan du Josep Borrell Europar Batasuneko goi-ordezkariak ere, 27en premiazko bileraren ostean.
Bien bitartean, NBEk Libanon duen bake-misioak (FINUL) "bere posizioetan" jarraitzen du Israelekin muga egiten duten eremuetan, "lurreko balizko inbasioaren zain". Pentagonoak, berriz, Ekialde Hurbilean tropa gehiago zabalduko dituela iragarri du.
Libanok herrialdetik pasaporterik gabe ateratzeko baimena eman du
Bestalde, Libanoko Segurtasun zuzendari nagusiak, Elias al Bisari jeneralak, iragarri du baimena ematen dutela herrialdeko lurreko muga eta aireportu guztietatik ateratzeko, identifikazio soil batekin, pasaporterik izan gabe.
Horrela, Libanoko herritarrek herrialdetik irten ahal izango dute nortasun agiria, egoera zibileko txartela edo familia-liburua erabiliz, baita iraungitako pasaporte batekin ere, NNA Libanoko albiste-agentziaren arabera.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.