Trumpek gogortu egin du diskurtsoa, eta Harris indarra berreskuratzen saiatuko da kanpainako azken astean
AEB hauteskunde kanpainako azken astean sartu dira, eta tentsioak goia jo du, Donald Trump presidente ohi eta Alderdi Errepublikanoaren hautagaiak gogortu egin baitu diskurtsoa. Bien bitartean, Kamala Harris demokrata lehen egunetako indarra berreskuratzen saiatuko da azken txanpa honetan.
Atzo, Trumpek mitin jendetsua egin zuen New Yorkeko Madison Square Garden pabiloian (20.000 pertsona bertaratu ziren), eta horretan aldarri arrazistak eta matxistak entzun ziren. Horrek haserrea eragin du, errepublikanoen artean ere bai.
Adierazpen polemikoenak Tony Hinchcliffe ekitaldiko aurkezleak egin zituen, Puerto Rico uharteari buruz: "Literalki, zabor-uharte bat dugu ozeanoaren erdian, uste dut Puerto Rico duela izena".
Hitz horiek arbuioa ekarri dute herrialdean, eta hainbat pertsonak aurka egin dute, hala nola Jennifer Lopez eta Ricky Martin artistek.
Trumpen lantaldea bera ere saiatu da adierazpen horietatik aldentzen: "Txistea ez dator bat Trumpen iritziarekin", adierazi du presidente ohiaren aholkulari Danielle Alvarezek, ABC News katean.
Puerto Rico AEBekin elkartuta dagoen estatu librea da, baina uharteko biztanleek ezin dute bozkatu hauteskundeetan. Bai, ordea, AEBn bizi diren milioika puertoricarrek.
Latinoen botoa, giltzarria
Hain justu, aurtengo hauteskundeetan inoiz baino garrantzitsuagoak izango dira latinoen botoak, uste baita 36,2 milioi pertsonak emango dutela botoa, hots, duela lau urte baino 4 milioi gehiago. Gehien hazi den boto-emaile taldea da, Pew zentroaren arabera.
Atzoko ekitaldian, Trumpek berretsi egin zuen deportazio kanpaina erraldoia egiteko asmoa. "Historia modernoko argudio erradikalena izan zen", CNN telebista-kateak deskribatu duenez.
New York Times egunkaria ere iritzi berekoa da, eta haren ekitaldia matxista eta arrazista izan zela azpimarratu du.
Harris, Washingtonen
Testuinguru horretan, Kamala Harrisek ekitaldia egingo du bihar sinbolismo handiko leku batean: Washingtongo Zelai Nazionala, hau da, Etxe Zuria, Kapitolioa eta Abraham Lincolnen Monumentua dauden espazioa. Duela lau urte, Trumpek hitzaldia egin zuen bertan, hauteskundeen emaitzei muzin egiteko, bere jarraitzaileek Kapitolioari eraso egin baino lehen.
Harrisek distira egin zuen hautagaitza baieztatu eta hurrengo asteetan, baina azkenaldian inkestak berdindu egin dira. Horrenbestez, hasierako indarra berreskuratzea izango du helburu hurrengo egunetan.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.