Scholzek gerra amaitzeko eta bakea negoziatzeko eskatu dio Putini telefonoz
Olaf Scholz Alemaniako kantzilerrak Vladimir Putin Errusiako presidentearekin hitz egin zuen atzo telefonoz, 2022tik lehenengo aldiz, eta Ukrainako gerra amaitzeko eta bake "justu eta iraunkorra" lortzeko Kievekin bake negoziazio serio batzuetan parte hartzeko eskatu zion.
Alemaniako Gobernuko iturrietatik jakinarazi dutenez, Errusiaren "gerra helbururik" ez dela bete esan zion Scholzek, eta, horren aurrean, "Ukrainaren aurkako gerra amaitzeko eta tropak erretiratzeko" eskatu zion Putini.
Scholzek asteak eman ditu Putinekin hitz egiteko aukeraren inguruan hitz egiten, baina berretsi duenez, Alemaniak Ukraina defendatzeko "erabateko" konpromisoa du.
Aipatu iturrien arabera, Scholzek eta Putinek harremanetan jarraitzea adostu zuten.
Ukraina egoera zailean harrapatu du Scholzen eta Putinen arteko elkarrizketa honek, Errusia egunero ari delako lur-eremua irabazten Donetsken, eta, era berean, mendebaldeko herrialdeen laguntza gutxitu egingo den beldur baita Zelenski, Donald Trump AEBko presidente izendatzen dutenetik aurrera bereziki.
Putinek proposamenari eutsi dio
Vladimir Putin Errusiako presidenteak, bere aldetik, azpimarratu zuen indarrean jarraitzen duela bere bake proposamenak. Proposamen horrek tropa ukrainarrak Donbassetik eta herrialdearen hegoaldetik ateratzea eta Kievek NATOn sartzeari uko egitea aurreikusten du.
"Errusiaren proposamena oso ezaguna da. Balizko akordioek aintzat hartu beharko dituzte Errusiako Federazioak segurtasun arloan dituen interesak, egungo egoeratik abiatu beharko dira, eta garrantzitsuena, gatazkaren jatorrizko arrazoiak deuseztatu behar ditu", jakinarazi du Kremlinek ohar batean.
Zelenskik kritikatu egin ditu elkarrizketak
Volodimir Zelenski Ukrainako presidenteak kritikatu egin ditu elkarrizketak, "Pandoraren kutxa" irekitzea ekar dezaketelako.
"Horixe da Putinek aspalditik bilatzen duena. Beretzat funtsezkoa da bere isolamendua ahultzea, eta Errusiarena, eta inora ez daramaten elkarrizketei eustea. Hamarkadak daramatza hori egiten", azpimarratu du Zelenskik.
Ukrainako presidentearen ustez, horri esker lortu du Errusiak bere politiketan aldaketarik ez izatea, eta "horrek ekarri du gerra hau".
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.