Putinek dio BRICS taldeko kide guztiek nahi dutela Ukrainako gerra "lehenbailehen" amaitzea
Vladimir Putin Errusiako presidenteak esan du BRICS taldeko estatu kide guztiek, bereziki Txinak eta Brasilek, Ukrainako gerra lehenbailehen eta, ahal dela, modu baketsuan bukatzea nahi dutela.
"Gatazka (Ukrainan) ahalik eta azkarren eta, ahal dela, modu baketsuan bukatzean zentratuta daude guztiak", nabarmendu du prentsaurrekoan, Kazanen (Errusia) egindako goi-bileraren amaieran.
Kremlineko buruak eskerrak eman dizkie estatu kide guztiei Ukrainako gatazkan arreta jartzeagatik, eta "konpontzeko modua bilatzeagatik".
Hala ere, Putinek berriro leporatu dio AEBri 2014an Ukrainan estatu-kolpe bat babestu izana, "eta horrek egungo egoera ekarri du", erantsi duenez.
Nazio Batuen Erakundeko idazkari nagusi Antonio Guterresek ere Ukrainan bake justua lortzeko beharra azpimarratu du bere hitzaldian, eta Libanon eta Gazako Zerrendan ere su-etena eskatzeko aprobetxatu du.
Ekialde Hurbileko gatazka
Zentzu horretan, Mahmud Abbas Palestinar Aginte Nazionaleko presidenteak goi-bileran salatu duenez, urtebete baino gehiagoko erasoen ostean, Israelgo Armada "garbiketa etnikoa" egiten ari da Zerrendan, "biztanleez husteko" helburuarekin.
Gazako Zerrendako egoeraz gain, Abbasek agerian utzi du "okupazio indarren eta kolono terroristen Zisjordaniako erasoek, Jerusalem ekialdea barne", Nazioarteko Zuzenbidea urratzen dutela, eskualdea "indarkeriaren amildegian erortzeko" arriskuan jartzen dutela eta "gatazka zabaldu" besterik ez dutela egiten.
Era berean, Putinek ohartarazi duenez, Ekialde Hurbilean "kate-erreakzioa" gertatu da azken urtean, eta horrek eskualdea "eskala handiko gerra baten atarian" jarri du. Aldi berean, bertan bake iraunkorra lortzeko, "herri palestinarrarekiko bidegabekeria historikoa zuzendu" behar dela esan du, Palestinako Estatua sortuz.
Ildo beretik, "ez da bakerik izango Estatu palestinar independente bat egon arte", adierazi du Mauro Vieira Brasilgo kantzilerrak Kazanen.
Xi Jinping Txinako presidenteak su-etena eskatu du Gazan, Libanon gerra zabaltzea saihesteko, eta Ukrainan konponbide politikoa lortzeko bidea erraztea aldarrikatu du.
Recep Tayyip Erdogan Turkiako presidentea urrats bat harago joan da, eta Gazan "genozidio" bat egitea leporatu dio Israeli, eta batzarrean parte hartu duten estatuei eskatu die Ankarak Israeli armak saltzea gelditzeko Nazio Batuen Erakundean abiatutako ekimena babesteko.
Estatu-kolpeen saiakerak
Bestalde, Luis Arce Boliviako presidenteak goi-bileran egindako agerraldia aprobetxatu du salatzeko "legez eratutako demokraziak", hala nola, bere herrialdekoa eta Venezuelakoa, estatu-kolpeen biktimak izaten ari direla.
"Ezin ditugu ahaztu Mendebaldeko boterearen biktima izan daitezkeen herrietan legez eratutako demokraziak desegonkortzeko erasoak eta saiakerak", ohartarazi du Boliviako presidenteak goi-bileran. "Venezuela eta bere petrolioa, Bolivia eta bere litioa, baita Honduras eta Kolonbia ere, euren kokapen geoestrategikoagatik", berretsi du Arcek.
Zure interesekoa izan daiteke
Gutxienez zortzi pertsona hil dira Gazan uholdeek eragindako hipotermien ondorioz
Nazio Batuen Erakundearen arabera, 800.000 pertsona inguru goseak eta hotzak jota bizi dira Palestinan. Gainera, euri-jasek hainbat pertsona kaltetu dituzte, horietako asko gaixorik eta osasun arazo larriekin.
Gutxienez 11 pertsona hil dira Gazako Zerrendan, hotzaren eta euriteen ondorioz
Euriteen ondorioz horma eta etxebizitza asko behera etorri dira, hainbat pertsona azpian harrapatuz. Gainera, urak kaleak eta kanpin-dendak hartu ditu. Errefuxiatuentzako Nazio Batuen Agentziak eta Gazako Gobernuak gaixotasunak eta infekzioak areagotzeko arriskuaz ohartarazi dute.
Milaka pertsonak lan erreformaren aurkako protesta egin dute Portugalen, azken 12 urteotako lehen greba orokorrean
Sindikatuen arabera, hiru milioi pertsonak baino gehiagok bat egin zuten greba orokorrarekin -5,1 milioi langile daude-, eta Portugalen "inoiz egin den grebarik arrakastatsuenetakoa" izan zela adierazi dute. Portugalgo patronalaren arabera, grebak porrot egin du eta langileen % 3 bakarrik geratu dira etxean.
Adimen artifizialari "gehiegizko" mugak ezartzen dizkioten legeak blokeatzeko agindu exekutiboa sinatu du Trumpek
Horren harira argitaratutako testuaren arabera, Trumpen Administrazioak Kongresuarekin elkarlanean aritu behar du nazio mailako arau irmo bat bermatzeko, eta "bat ez datozen estatu mailako 50 arau ezberdin saihesteko".
Zelenskik bake planaren bertsio berria proposatu du eta Donbasen subiranotasunari buruzko erreferenduma defendatu du
Ukrainako presidentearen arabera, Indar Armatuek 800.000 soldadu izango dituzte.
AEBk Venezuelako kostaldean petrolio-ontzi bat konfiskatu dute
Ameriketako Estatu Batuek petrolio-ontzi bat atzeman eta konfiskatu dute Venezuelako kostaldean, Washington abuztutik Kariben egiten dabilen itsas hedapen militarraren barruan. Caracasek "lapurreta lotsagabea" dela esan du, eta atzerriko instantzien aurrean "nazioarteko krimen larria" salatuko duela iragarri du.
2,5 milioi lagun baino gehiago deportatu dituzte edo beren borondatez alde egin dute AEBtik 2025ean
Estatu Batuetako agintariek "sekulako lorpentzat" jo dute, Trumpek martxan jarritako migrazio politika gogorren baitan, "deportazioak arintzeko" dozenaka epaile izango direla iragarri eta egun gutxira.
Venezuela-Curaçao-AEB-Norvegia: Bakearen Nobel saria jasotzeko Machadoren odisea
Azken asteetan hainbat hipotesi zabaldu ziren Machado Oslora saria jasotzeko iritsiko ote zen, oposizioburua ez baita joan den urtarriletik jendaurrean agertu izan, eta Nicolas Maduroren Gobernuaren zaintzari iskin egitea ez baita erraza.
Maria Corina Machado jendaurrean agertu da Oslon, hainbat hilabetez ezkutuan egon ostean
Urtarriletik publikoki agertu gabe egon ondoren, Venezuelako oposizio burua hoteleko balkoira atera da, Oslon, jarraitzaileak agurtzera.
Machadoren jarraitzaileek zuzien prozesioan parte hartu dute
Asteazken arratsaldean, Maria Corina Machado Venezuelako oposizioko kidearen jarraitzaileek Osloko erdigunea zeharkatu duen zuzien prozesio tradizionalean parte hartu dute, sarituak ostatu hartu behar zuen hotelaren aurrean amaitu arte.