Jihadistek Damasko hartu eta Errusian asiloa lortu duen Al-Assaden agintea eraitsi dute
Abu Mohammad al-Julanik, Baxar al-Assaden agintea eraitsi duen koalizio jihadistaren buruak, garaipena aldarrikatu du Damasko hartu ostean. 13 urteko gerra izan da, milaka heriotza eta milioika herritar erbesteratzea ekarri duena.
"Baxar al-Assad tiranoa garaitu dugu. Damaskoko espetxeko preso guztiak askatu ditugu. Borrokalari eta herritar guztiek Siriako Estatua mantentzea espero dugu", adierazi dute telebista publikoan egindako agerraldian.
"Anai-arreba iraultzaileok! Egin otoi Jainkoari zuen eskuetatik iritsi den garaipen hau eskertzeko", esan du Al-Julanik, AEBk eta Nazio Batuen Segurtasun Kontseiluak terroristatzat jotzen duenak.
"Apal sar zaitezte Damaskon, ongi tratatu zuen herria eta zuen jendea. Soldadu onak izan behar zarete", gaineratu du Al-Julanik, "erakunde publikoak babesteko" deia egitearekin batera.
Mazloum Abdi kurduek gidatzen duten Siria Demokratikoko Indarren buruzagiak esan du "Siria berria eraikitzeko aukera" dela honakoa.
Oposizio armatuko kideek Baxar al-Assadik gabeko Damasko aldarrikatu dute, Sortaldea Askatzeko Erakundeko terroristek gidatutako koalizio islamista batek, Turkiaren laguntzaz, 11 eguneko erasoaldia egin ostean.
Abu Mohammad al-Julani. Argazkia: EFE
Trumpek esan du Putinen babesa galdu duelako ihes egin duela Al-Assadek
Baxar al-Assadek, bere aldetik, ihes egin du. Aitak oinordetzan utzi zion boterea 2000. urtean, eta agintaldiaren erdia baino gehiago gerran igaro ostean, alde egin du.
Kremlineko iturriek Tass eta Interfax agentzia errusiarrei baieztatu dietenez, Al-Assad eta haren familia Moskun daude; asiloa eman diete arrazoi humanitarioengatik.
Mohammad Ghazi al-Jalali Siriako lehen ministroak esan du eskua luzatzen diela "erakundeei eusteko nahia duen siriar orori".
Mezu hori jaso ondoren islamistek erantzun dutenaren arabera, Al-Jalalik gainbegiratuko ditu erakunde publikoak, "ofizialki" uzten dituen arte.
13 orduko etxeratze agindua Damaskon
Sortaldea Askatzeko Erakundea (HTS) talde jihadista buru duen Siriako aliantza matxinoak 13 orduko etxeratze agindua ezarri du igande honetan Damasko hiriburuan.
Koordinazio Militarreko Aginteak, HTSk gidatutako eta Turkiaren aldeko talde armatuek parte hartzen duten egiturak, herritarrei jakinarazi die etxeratze agindua 16:00etan (Euskal Herrian 14:00ak zirenean) hasi eta asteleheneko 05:00etan (03:00ak Euskal Herrian) amaituko dela , Telegramen argitaratutako mezu baten arabera.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.