Macronek Bayrou zentrista aukeratu du Frantziako lehen ministro kargurako
Emmanuel Macron Frantziako presidenteak François Bayrou aukeratu du lehen ministro kargurako, Michel Barnier buru zuen Frantziako Gobernuaren aurkako zentsura mozioa aurrera atera ostean irekitako krisi politikoa ixten ahalegintzeko.
Urtea hasi denetik Macronek izendatu duen laugarren lehen ministroa da Bayrou (73 urte), eta duela 9 egun zentsura mozio batek kargutik kendu zuen Barnier ordezkatuko du.
2014tik Pauko alkatea da eta baita MoDem alderdi zentristaren fundatzaile eta liderra ere. Lehen ministro izendatu ostean, Pauko alkate izateari utzi beharko dio.
François Bayrou Pauetik 20 kilometrora dagoen Borderes udalerrian jaio zen 1951. urtean, eta harreman estua du Euskal Herriarekin. Izan ere, Pirinio Atlantikoetako (Ipar Euskal Herria eta Biarno) presidente izan zen 1992tik 2001era bitartean.
Tokiko hizkuntzen defendatzailea ere bada. Bere ama hizkuntza okzitaniera da eta Hezkuntza ministro zela tokiko hizkuntzen irakaskuntzaren aldeko zenbait neurri hartu zituen. Esaterako, 90eko hamarkadan Seaskako ikastolen normalizazio prozesua gauzatu zuen.
Politikari beteranoak 1982an hasi zuen bere ibilbide politikoa UDF alderdi demokristauaren baitan eta 1983tik 2012ra arte diputatu ere izan zen. Gerora, 2007an MoDem alderdia sortu zuen.
1993an Hezkuntza ministro izan zen Edouard Balladour lehen ministroaren gobernuan, eta hura babestu zuen 1995ean presidente kargurako aurkeztu zenean.
1999ko Europako Parlamenturako hauteskundeetan zerrendaburu ere izan zen, François Hollanderekin eta Nicolas Sarkozyrekin lehian.
Hiru aldiz aurkeztu du bere burua Frantziako presidente izateko —2002an, 2012an eta 2012an— eta 2007an bigarren itzulira igarotzetik gertu gelditu zen. 2017an bere hautagaitza erretiratu eta Emmanuel Macronen alde egin zuen.
Ordutik beti izan da Macronen ondoan, bere alderdia Ensemble koalizioko kide da, eta bera Justizia ministro izan zen hilabetez Macronen lehen agintaldian.
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.