Auto batek hainbat pertsona harrapatu ditu Magdeburgeko gabonetako azoka batean, eta gutxienez 2 hildako daude
Alemaniako Magdeburg hiriko agintariek ostiral honetan baieztatu dutenez, gutxienez bi pertsona hil eta 70 inguru zauritu dira arratsaldean gabonetako azokan izandako harrapaketa masibo baten ondorioz.
Segurtasun-indarrek baieztatu dute ibilgailuaren gidaria atxilotu dutela: Saudi Arabiako mediku bat da, 2006tik Alemanian bizi dena. Sare sozialen bidez zabaldutako bideoen arabera, autoarekin abiadura bizia sartu da Magdeburg hiriko udaletxeko plazan jarri duten gabonetako azokan, eta hainbat pertsona harrapatu ditu.
Alemaniako agintarien balantze ofizialak baieztatu egiten du gertaera "izugarriak" biktima "ugari" utzi dituela. Reiner Haseloff Saxonia-Anhalt estatuko lehen ministroaren arabera, bi hildakoak heldu bat eta haur bat dira.
Eskualdeko agintarien esanetan, gertakaria "atentatua" izan daiteke, baina DPAk kontsultatutako iturrien arabera, atxilotua ez zegoen Alemaniako agintariek gehien bilatzen dituzten islamisten zerrendan.
Bestalde, tokiko gobernuak bere sare sozialetan zehaztu duenez, gutxienez 15 pertsona larri daude, 37 zaurituta, eta 16k zauri arin egin dituzte.
Duela 8 urte, 2016ko abenduaren 19an hain zuzen ere, kamioi batek azoka baten aurka egin zuen Berlinen, eta 13 pertsona hil zituen. Erasotzaileak Italiara ihes egin zuen, eta Poliziak tiroz hil zuen bertan.
Olaf Scholz kantzilerrak kezka agertu du X sare sozialean: "Magdeburgetik datozen informazioak oso larriak dira. Biktimak eta horien senideak ditut buruan une honetan".
Saxonia-Anhalt estatuko hiriburua da Magdeburg, eta Alemaniako ipar-ekialdean dago, Berlin hiriburutik 130 kilometrora.
Zure interesekoa izan daiteke
Ebolagatik hildakoak 100 baino gehiago dira Afrikako Batasunaren arabera, eta larrialdi kontinentala ezarri du
Afrikako Batasuneko osasun publikoko agentziak ohartarazi duenez, ebola agerraldia Kongoko Errepublika Demokratikoko ingurune konplexu batean atzeman dute: mugikortasun handiko ingurua da eta osasun sistema, berriz, ahula.
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.