Yemenek jaurtitako misil batek alarmak piztu ditu Jerusalemen eta Israelgo beste eremu batzuetan
Alarmak piztu dira gaur goizaldean Israelgo leku batzuetan, Jerusalemen tartean, Yemendik jaurtitako misil baten eraginez. Lehenengo aldiz entzun dira alarmak urriaren 1ean Iranek 200 misil jaurti zituenetik.
Israelgo Armadak azaldu duenez, "duela gutxi Jerusalem eta Itsaso Hilaren inguruan entzun diren sirenen ostean, Israelgo Aireko Indarrek Yemendik Israelerantz zihoan misil bat geldiarazi dute".
Gainera, Israelgo larrialdi zerbitzuek jakinarazi dutenez, ez da inor zauritu, eta soilik antsietate-krisia izan duten pertsona batzuk artatu behar izan dituzte.
Yemengo huthiek Ben Gurion Israelgo aireportuari egin zioten eraso ostiral goizaldean, Tel Avivetik gertu, Israelgo Armadak ostegun arratsaldean Sanako aireportuaren eta beste azpiegitura batzuen aurka egin zituen erasoei erantzuteko.
Yemengo huthiek ostiralean ohartarazi zuten erantzuna "berandu baino lehen" iritsiko zela, eta Benjamin Netanyahu Israelgo lehen ministroak berretsi zuen Yemengo huthiak indargabetu arte jarraituko duela, "Iranen talde terrorista" dela iritzita.
NBEk gezurtatu egin du Israel
Nazio Batuen Erakundeak gezurtatu egin zuen atzo Israel, eta esan zuen Sanako aireportua eta Al-Hudaidako portua, Israelek bonbardatutakoak, azpiegitura zibilak direla, ez militarrak.
Julien Harneis NBEk Yemenen duen koordinatzaileak azaldu zuen Sanako aireportua erabilera zibilekoa dela, eta egunean operazio bakar bat egiten dela bertan, Ammanera doan hegaldi bat, nazioarteko negoziazioen emaitza dena.
Gainera, NBEk berak erabiltzen du material humanitarioa jasotzeko, eta misio jakin batzuetarako. Osasun arazo larriak dituzten yemendarrak garraiatzeko aireportu bakarra omen da.
Horregatik guztiagatik, NBEk azpiegitura zibilak errespetatzeko eskatu dio Israeli, "aireportuaren aurkako erasoek herrialdearen sorospen jarduerak eteten dituztelako".
Albiste gehiago mundua
Netanyahuk Gazako zerrenda osoa okupatu nahi du, bahituak dauden eremuak barne
Okupazioan aurrera egiteko, lehen ministroak bilera deitu du gaurko. Israelgo Armadako buruzagiek adierazi dute ez dutela maniobrarik egin nahi bahituak dauden lekuetan, baina Netanyahuren erabakia argia dela diote. Bien bitartean, Israelgo segurtasun goi-kargudun ohiek eta militar ohiek presioa areagotu dute, gerra amaitzeko eskatzeko.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.